"Sherqiy Türkistan Informatsiyon Merkizi" teripidin qolgha çüshürülgen Hitayçe "Hoten geziti"ning bu yil 10 – ayning 30 – künidiki sanida élan qilinghan bir hewerning mezmonigha asaslanghanda, Çira nahiye baziri mal dohturluq ponkitining dohturi Hörnisa Mettursun namaz qilghini üçün Hitay hökümiti teripidin "qanunsiz diniy paaliyet bilen shughullanghan" dégen töhmet bilen hizmitidin heydelgen we Çira nahiyilik jamaet hewipsizlik idarisi teripidin çare körülgen.

Mezkur gezitning hewirige qarighanda, Hörnisa Tursuntohti bu yil 21 yashta bolup, 1998 – yili Ili Çarwiçiliq mektiwini püttürgendin kéyin, aldi bilen Çira nahiye çaqa yezisigha hizmetke teqsim qilinghan, kéyin u Çira bazarliq mal dohturluq ponkitigha yötkilip ishligen. Hörnisa bu yil 1 – aylarda 17 neper déhqan ayal bilen birge kollektip namaz qilghini üçün, Çira nahiylik jamaet hewipsizlik idarisi teripidin çare körülgendin kéyin qoyup bérilgen. Bu yil 6 – ayning 24 – küni Hörnisa yene 13 neper ayal bilen birge kollektip namazgha qatnashqan. Nahiyilik hökümet bu ishtin hewer tapqandin kéyin, Hörnisa Mettursunni "qanunsiz diniy paaliyet bilen shughullunup, jemiyet amanliqini qalaymiqan qilghan" dégen töhmet bilen hizmitidin heydelgen.

Hörmetlik wetendashlar, nöwette Hitay hökümiti Sherqiy Türkistanda, "merkezleshturup tüzesh" dégen namda diniy sahege qarita "qattiq zerbe bérish" herikiti qozghap, Hitayning qanuni yolgha qoyghan daire içide normal diniy paaliyet bilen shughulliniwatqan köpligen bigunah insanlarni "qanunsiz diniy paaliyet bilen shughullandi" dégen böhtan bilen türkümlep tutqun qilmaqta we türlük jazalargha duçar qilmaqta. Huddi yuqurqi hewerde bayan qilinghinidek, 21 yashliq Hörnisaning peqet namaz oqighini üçünla hizmitidin heydelgenliki, del buning janliq ispatidur!