"Sherqiy Türkistan Informatsiyon Merkizi" teripidin qolgha çüshürülgen Hitayçe "Hoten geziti"ning bu yil 10 – ayning 26 – künidiki sanida hewer qilinishiçe, Hoten wilayetlik memuri mehkime mehsus qarar çiqirip, "Hoten méhmanhanisi"ning direktori Adil Abdurahmanni, "Çong zorawan terroristlar gurohining kattibeshi Köreshning yoshurunush delosida rehbiri jehettin mes‘uliyiti bar" dégen töhmet bilen hizmitidin heydégen we "partiyide qaldurup sinash jazasi" bergen.

Mezkur gezitning hewiride mundaq diyilgen: "Wilayetlik jamaet hewipsizlik idarisi çong zorawan terroristlar guruhining kattibeshi Köresh heqqide tutush buyruqi çiqarghandin kéyin, Hoten méhmanhanisining kassiri Minewer Qaçqun jinayetçi Köreshni öyige yoshurup qoyup, wilayetlik jamaet hewipsizlik organlirining mezkur deloni razwedka qilip pash qilish hizmitige nahayiti zor tesir körsütüp, intayin eghir aqiwet peyda qilghan, Hoten méhmanhanisining aililikler qorosida yüzbergen bu yoshurunush weqeside direktor Adil Abdurahmanning bash tartip bolmaydighan rehbiri mesuliyiti bar, shunga Adil Abdurahmanning ötküzgen bu hataliqigha asasen, wilayetlik memuri mehkime Adil Abdurahmanni wilayetlik kütiwélish bashqarmisining muawin bashliqliqidin, Hoten méhmanhanisining direktorliqidin élip tashlash we partiyide bir yil qaldurup sinash jazasi bérishni qarar qildi".

Hörmetlik wetendashlar, sizlerge melum bolsa kerek, Hotende Hitay kommunistik hakimiyitige qarshi yoshurun qoralliq paaliyet élip bériwatqan Uygur partizanlar etritining rehbiri Köresh, bu yil 9 - ayning 4 – küni keçide Hoten méhmanhanisi aililikler qorosining 102 – nomurluq öyide yoshurunup yatqanda sézilip qélip, Hitay saqçi dairlirining qatmu – qat qorshawi astigha çüshüp qalghan idi. Saqçilar uni teslim bolushqa ündégen bolsimu, emma u teslim bolmay, qoralliq halda qattiq qarshiliq körsitidu we öyge basturup kirishke urunghan Tursuntohti isimlik uygur saqçini étip öltüridu. Top – toghra 15 minot dawam qilghan bu qétimqi qoralliq toqunush jeryanida, saqçilarning öyni oq yamghurigha tutishi netijiside, Köresh oq tégip hayatidin ayrilidu. Bu weqe, "Hoten geziti"ning 9 – ayning 5 – künidiki sanidimu eynen hewer qilinghan idi.

Hörmetlik wetendashlar, Hoten méhmanhanisining direktori Adil Abdurahmanning naheq halda jazalargha mehkum qilinghanliqi, kommunist Hitay hakimiyitining "Mediniyet Zor Inqilawi" mezgilide yolgha qoyghan bir qatar zerbe bérish siyasetlirini hazirmu hem Uygurlargha qarita eynen yürgüzüp kéliwatqanliqini roshen halda körsütüp bermekte. Çünki "Mediniyet Inqilawi" mezgilide bir ailidin birer kishi "hataliq" ötküzüp qoysa, uning pütün jeddi – pushti Köresh qilinatti, birer mehellidin birer kishi siyasiy seweptin qolgha élinsa, pütün mehelde "eksilinqilapçilarning qara uwisi" dep qarilatti. Hitay dairliri teripidin tutush buyruqi çüshürülgen Köresh bilen héçbir alaqisi bolmighan, peqetla Köreshning Hoten méhmanhanisining aililikler qorosigha yoshuruniwalghanliqi üçünla wezipisidin élip tashlinip hizmettin heydelgen Adil Abdurahmanning béshigha kelgen bu külpetler, Sherqiy Türkistanda yerlik helqning qanuni we insani heq – hoquqlardin tamamen mehrum yashawatqanliqining janliq ispatidin ibaret.