"Sherqi Türükistan Informatsiyon Merkizi" teripidin qolgha çüshürülgen Hitayçe "Hoten geziti"ning bu yil 10 - ayning 30 - künidiki sanida elan qilinghan bir hewerning mezmunigha asaslanghanda, Çira nahiye baziri mal dohturluq ponkitining dohturi Hörnisa Mettursun namaz oqughini üçün Hitay hökümiti teripidin"qanunsiz diniy paaliyetler bilen shoghullanghan" digen töhmet bilen hizmitidin heydelgen we jamaet hewipsizlik idarisi teripidin çare körülgen.

Mezkür gezitning hewirige qarighanda Hörnisa Tursuntohti bu yil 21yashta bulup, 1998 - yili Ili çarwiçiliq mektiwini pütürgendin kéyin, aldi bilen Çira nahiye Çaqa yezisigha hizmetke tehsim qilinghan, kéyin u Çira bazarliq mal dohturluq ponkitigha yötkülüp ishligen. Hörnisa bu yil 1 - aylarda 17 neper dihan ayal bilen kolliktip namaz qilghini üçün, Çira nahiyélik jamaet hewipsizlik idarisi teripidin çare körülgendin kéyin qoyup bérilgen. Bu yil 6 - ayning 24 – küni Hörnisa yene 13 neper ayal bilen birge kolliktip namazgha qatnashqan. Nahiyélik hökümet bu ishtin hewer tapqandin kéyin, Hörnisa Mettursunni "qanunsiz diniy paaliyet bilen shoghullinip, jamaet amanlighini qalaymiqan qilghan"digen töhmet bilen hizmettin heydigen.

Hörmetlik wetendashlar, nöwette Hitay hökümiti Sherqiy Türükistanda, "merkezleshtürüp tüzesh" digen namda diniy sahage qarita "qattiq zerbe bérish" herkiti qozghap, Hitayning qanuni yol qoyghan daire içide normal diniy paaliyet bilen shoghulliniwatqan köpligen biguna insanlarni" qanunsiz diniy paaliyet bilen shoghullandi" digen böhtan bilen türkümlep tutqun qilmahta we türlük jazalargha duçar qilmahta. Huddi yuqurqi hewerde bayan qilinghandek, 21yashliq Hörnisaning peqet namaz oqughini üçünla hizmettin heydelgenligi, del buning janliq ispatidur!