|
Bismillehirrahmenirrahim
Huddi hemmimizge melum bolghinidek, nöwette Sherqiy Türkistanning weziyiti intayin heterlik bir basquçqa bérip yetti, yéqinqi mezgillerdin buyan Hitay hökümiti Sherqiy Türkistanda musulmanlarning dini étiqadini tamamen yoqutush we Uygurlarni yer- ziminliridin mejburi heydep çiqirip, uning yerige Hitay köçmenlirini orunlashturush üçün pilanliq we qedem basquçluq halda jiddi heriketke ötti. Bolupmu bu hil weziyet Hoten rayonida pewquladde éghir bolmaqta. bu yil 8-ayning 9-küni Hotenning Lop nahiyiside Hitaygha qarshi 10 ming kishilik namayish ötküzülgendin buyan, Hitay hökümiti Hoten rayonida herbi haletni yolgha qoyghan idi. Undin kéyin, pütün Hoten teweside musulman mujahitlar bilen Hitay saqçiliri otturisida her hil qoralliq toqunushlar üzlüksiz dawam qilip keldi, bu jeryanda köpligen mujahitlar shehit boldi, neççe minglighan bigunah qérindashlirimiz qolgha élinip türmilargha tashlandi. Mesilen, bu yil 10-ayning 26-küni Hotenning Séghizköl yézisida 8 neper mujahit Hitay saqçilirining qorshawi astigha çüshüp qalghan idi, 7 saet dawam qilghan bu qétimqi jengde, qeyser mujahitlirimiz helqimizining hör azatliqi üçün baturlarçe köresh qildi, netijide bu qétimqi jengde 3 mujahidimiz shehit boldi, jengde, qeyser mujahitlirimiz helqimizining hör azatliqi üçün baturlarçe köresh qildi, netijide bu qétimqi jengde 3 mujahidimiz shehit boldi, 4 nepiri éghir yarilinip Hitay fashistlirining qoligha çüshüp qaldi, bu 8 neper mujahitning 2 nepiri ayal idi. yawuz Hitay dairliri bu qétimqi qoralliq toqunushni bahane qilip, mujahitlar yoshurunuwalghan öyni ot qoyup köydürüp, topa ittirish mashinisi bilen tüzliwetkendin sirt, "eksilinqilapçilarni yoshurghan" digen bednam bilen, shu yézidiki köpligen bigunah kishilerni qolgha élip türmige tashlidi, hetta hoshna yézilardiki köpligen kishilerning déhqançiliqta ishlitidighan taraktur, mashnilirini we hette bir azla iqtizadi bolghan déhqanlarning hemmisining mal-mülkini musadire qildi. Mesilen, Seghizköl yézisidiki Tohti Hajim isimlik bigunah déhqangha, "milli bölgünçlerni öyingde saqliding" digen böhtani çaplap 4 oghli, 3 qizi we newriliri bilen qoshup qolgha élip turmigha tashlidi. Fashist Hitay hökümiti Tohti Hajimni ailisi bilen qoshup qolgha alghandin sirt, yene uning öyini ot qoyup köydürüp, topa ittirish mashinisi bilen tüzliwetti. Bundaq weqeler Hotenning her qaysi yeza- qishlaqlirida her küni digüdek yüz bérip turmaqta. Hitay hökümiti, milliy bölgünçilerge zerbe bérish digenni bahane qilip, bu yil 9-ayning bashlirida Hotenning Qaraqash nahiyesige bir déwiziye eskirini yötkep ekirip, Uygur déhqanlirining öylirini qalaymiqan ahturup, közige sella sighmihgan Uygurlarni tutup solap, Hoten rayonida tarihta héç körülüp baqmighan derijide zorluq- zombuluq qilmaqta. Undin bashqa yene Hitay hökümiti, Hoten rayonigha Sherqiy Türkistandiki fashist qoshun bingtüenning bir dewiziye ahalisini orunlashturush üçün, bu yil 11-aydin étibaren neççe minglighan yerlik helqni janggalliqqa heydep apirip bozyer açturmaqta we Hoten sheher etrapidiki munbet yerlerde tériqçiliq qiliwatqan Uygurlarni mejburi halda janggal we çöl-jézirilerge köçürüshke bashlidi. Téghimu esheddi yéri shuki, Hotendiki hökümet organlirining bu yil 11-aydin étibaren çiqarghan bézi höjjetlerde, merkezning içkiridiki Falun Gung teriqitini çeklesh heqqide yolgha qoyghan tedbirlirini Hotende diniy sahagha qarita eynen ijra qilish kérekliki oçuq ashkare halda otturigha qoyulghan. Hotendiki saqçi dairliri Hitay hökümitining yuqarqi siyasitining rohini emilileshturush üçün, yéqinqi künlerdin buyan Hoten rayonida diniy zatlarni ashkara halda tutqun qilish herikitini qozghap, deslepki qedemde 11-ayning 16-küni kéçte Hoten shehri we Qaraqash nahiyiside 6 mesjitning imamini we jamaetini qolgha alghan, bulardin bashqa yene Hotenning Lop, Qaraqash baziri etrapidiki mesjitlerning imam we asasliq jamaiti, shundaqla her qaysi yéza kenitlerde diniy télim alghanliki yashlarning hemmisidigüdek qolgha élinip türmige tashlanghan. Omumen qilip éytqanda, nöwette Sherqiy Türkistan musulmanliri hayat- mamatliq hewipige duç kelmekte. Hitay höküminining yéqinqi mezgillerdin buyan Hoten rayonida élip bériwatqan zorawanliqliri, ularning pütün Sherqiy Türkirtanda yürgüziwatqan fashistik siyasitining we siyasi süyiqestining bir parçisidin ibaret. Dimek Hitay hökümiti bu yawuz meqsitige yétish üçün, ishni awal Sherqiy Türkistanda musulmanlar eng ziç olturaqlashqan we Hitaylarning sani eng az bolghan Hoten rayonidin bashlighan, Hitay hökümiti bu hil qirghinçiliq siyasitini Hoten rayonidin peydin-pey bashqa rayonlarghimu kegneytmekte. Mesilen, bu yil 9-ayning 3-küni Qeshqer sheherlik saqçi bashqarmisi, Hoten tewesidin kelgen 40 yashtin töwen her qandaq Uygurni tutqun qilish heqqide resmi buyruq çüshürdi we etisi Qeshqer sheher içi Ham baziridiki Keriyélik Qasim Hajimning méhmanhanisidin Hotenlik 13 neper bigunah yashni tutup türmige solidi, Qeshqer rayonida bu hil tutqun qilish herikiti hazirmu dawam qilmaqta. Hemmimizge melum bolghayki, Imformatsiyon merkizimiz nöwette wetende bolghan ehwallarni yéqindin küzitip kelmekte we hazirha qeder imkaniyitimiz yar bergen daire içide weten içidin Hitay hökümitining Hoten we bashqa rayonlarda élip bériwatqan qirghinçiliq siyasitige ait köpligen höjjetlerni we heberlerni qolgha çüshürüp, bu heberlerni dunya internet tori arqiliq tashqi dunyagha anglitishqa tiriship kiliwatimiz. Epsuski iqtisadi imkanlirimizning intayin çeklik bolushi tüpeylidin, foto-resim, video kaseti, hökümname... qatarliq asasliq délil- ispatliq buyumlarni wetendin élip çiqish jehetlerde jiddi qiyinçiliqqa duç kéliwatimiz, bizning nöwette weten içide bularni yetküzüp béridighan ahbarat hadimlirimiz bar, ular bu yolda shehit bolushqimu hazir, heriket qilish üçün peqetla iqtizatqa qarashliq turiwatidu. Yene bir jehettin, wetendin kelgen ahbaratlarni helqara teshkilarlargha, jümlidin dunya jamaetçilikige englitish jehetlerdimu informatsiyon mezkizimiz intayin ewzel sharaitqa ıge, çünki informatsiyon mezkizimiz qarmiqida hazir mehsus internet sehipisi (Engilisçe, Germançe, Türkçe we Uygurçe 4 tilda) Engilisçe, Türkçe, Erepçe, Hitayçe yazma hewername, Uygurçe we Kirilçe herplerde çiqiwatqan heptilik uçqun geziti, pesillik tamçe jornili qatarliq teshwiqat organlirimiz mewjut, eger yeterlik iqtizatla bolidighan bolsa, bu teshwiqat organlirimizdin paydilinip turup, wetendiki jiddi weziyetni dunya jamaetçilikige eng ünümlük halda yetküzüshke tamamen qadirmiz! Qisqisi, kommunist Hitay hakimiyitining nöwette Sherqiy Türkistan musulmanlirini tarih sehipisidin tamamen yoqutush üçün jiddi élip bériwatqan qirghinçiliq siyasitini dunya jamaetçilikige waqtida yetküzüsh we dunya jamaetçilikining bésimi arqiliq Hitayni bu siyasi süyiqesttin waz kéçishke mejbürlash- tashqi dunyada yashawatqan barliq Uygurlarning, shundaqla pütün dünya musulmanlirining diniy we wijdani burçidur! Shunga hemmeylenning bu jehette aziraq pidakarliq körsitishlirini we sharaitlirini yar bergen daire içide informatsiyon merkizimizge iqtisadi jehettin yardem qollirini sunushlirini jiddi iltimas qilimiz! Janabi Allah hemmeylenge esenlik we salametlik ata qilsun! Hürmet bilen: "Sherqiy Türkistan Informatsiyon Merkizi"ning Bashderektori Abduljélil Qaraqash |