1999 – yili 10 – ayning 12 – künidin 16 – künigiche Germaniyening München shehride 2 – nöwetlik "Sherqiy Türkistan (Uyguristan) Millliy Qurulteyi" muwappiqiyetlik halda chaqqirildi. Qurultay ayaqlashqanda, Qurultay reisi Enwerjan, milliy qurultay daimi kometeti namidin töwendiki qararlarni élan qildi:

1. Wetinimizning nami – Sherqiy Türkistaandur;
2. Sherqiy Türkistanning dölet girbi we milliy bayriqi – 1933 – yili 11 – ayning 12 – küni Qeshqerde qurulghan musteqil "Sherqiy Türkistan Islam Jumhuriyiti" hökümiti terpidin qobul qilinghan dölet girbi we ay-yultuzluq kök bayraqtur;
3. Milliy qurultayning asasi meqsidi – Sherqiy Türkistanning milliy musteqilliq kürishi üchün hizmet qilishtin ibaret bolup, biz shuninggha ishinimizki, Sherqiy Türkistan helqi peqetla toluq musteqilliqni qolgha élish arqiliqla heqiqi erkinlik we behitke erisheleydu;
4. Milliy qurulteyimiz – muhajirettiki Uygurlarning milliy azatliq herkitining helqaradiki birdin – bir toluq hoquqluq qanuni wekili hisaplinidu, u, wetimizning we millitimizning teqdirige munasiwetlik barliq ishlarda sohbet ötküzüsh, kilishim tüzüsh, imzalash, ahbarat yaki bayanat élan qilish hoqoqigha ige, milliy qurultiyimiz – Hitay ichide yüzberish ihtimali bolghan herqandaq pewquladde zor bir siyasiy özgürüshni nezerde tutqan halda, weten sirtida élipberiwatqan milliy azatliq herkitining sitiratigiyesini, taktikisini belgileydu we uni emelge ashurudu;
5. Milliy qurultiyimiz – Sherqiy Türkistanda helqimiz teripidin élip beriliwatqan barliq musteqilliq we erkinlik küreshlirini qollap – quwwetleydu we uninggha masliship herket qilidu;
6. Milliy qurultiyimiz – tashqi dunyada Sherqiy Türkistan milliy herkiti üchün hizmet qiliwatqan barliq teshkilat we shehislirimizni ortaq ghaye astida qurultiyimiz etrapida birleshtürüshke tirshidu;
7. Milliy qurultiyimiz Sherqiy Türkistan helqining öz teqdirini özi belgülesh hoqoqigha hörmet qilghan we uninggha hesdashliq qilghan, Hitaydiki kommunistik teshkilatliri we zatliri bilen hemkarlishidu;
8. Milliy qurultiyimiz - Sherqiy Türkistan helqige ohshsash Hitayning besimi we zulimida yashawatqan Tibet we Ichki Monggoliye helqlirining öz teqdirini özi belgülesh hoquqini qolgha keltürüsh yolidiki heqqani küreshlirini qollap – quwwetleydu we ular bilen élipberiwatqan hemkarliqni üzlüksiz halda kücheytishke tirishidu, shundaqla Hitay hökimitini Sherqiy Türkistan, Tibet we Ichki Monggholiyediki tajawuzchiliq we mustemlikichilikidin derhal wazkichishke, bu memliketlerdiki milletlerning öz teqdirini özi belgüleshtesh heqqani hoquqini etirap qilishqa chaqiridu;
9. Milliy qurultiyimiz – milliy dawayimizni helqara sehnige élip chiqip, birleshken döletler teshkilatining herqaysi tarmaqlirigha, dunya Islam konfiransi, "Birleshken döletler teshkilatida wekili bolmighan milletler teshkilati" we bashqa helqaraliq teshkilatlargha, shuningdek dunya döletlirige yetküzüp, ularning qollishini we yardimini qolgha keltüridu;
10. Milliy qurultiyimiz - 1996 – yili Germaniyening München shehride qurulghan "Dunya Ughur Yashliri Qurulteyi"ning paaliyetlirini qollap – quwwetleydu we ular bilen bolghan hemkarliqni dawamlashturidu, shundaqla yashlar qurulteyining özining nizamnamisige mas halda milliy qurultayning yashlar komuteti süpütide yer élip paaliyet élip berishning, milliy qurultiyimizni yenimu küchlendüridighanliqigha ishinidu, milliy qurultiyimiz, yashlar qurulteyi rehberlik orginini eng qisqa waqit ichide bu yolda ijabi qedem tashlashqa chaqiridu we qurultay rehberlik orginimizmu bu meqsetke erishish üchün eméli herket qilidu;
11. Milliy qurultiyimiz – chetellerde yashawatqan Sherqiy Türkistanliqlar arisida til, din, tarih, medeniyet – senet, örpe – adet qatarliq medeni miraslirimizni bir pütün halda saqlap qélish we uninggha warisliq qilishni mohim meqsetlirining biri qilidu we bu heqte pilanliq hemde qedembasquchluq halda paaliyet élip berishqa tirshidu; Milliy qurultiyimiz - milliy dawayimizgha we kelgüside wetinimizge yaramliq ihtisas igiliri yétishshtürüp chiqish üchün, chetellerde yashawatqan yash – ösmürlirimzni shert – shraitimiz yarbergen daire ichide türlük maarip we iqtisadi imkanlar bilen teminleshke tirishidu;
12. Milliy qurultiyimiz – bu qétimqi qurultayning muweppiqiyetlik chaqirilishigha alahide küch serip qilghan we qurultaygha sahiphanliq qilghan " Yawrupa Sherqiy Türkistan Birliki"ge, " Dunya Uygur Yashliri Qurulteyi"gha , "Sherqiy Türkistan Informasyon Merkizi"ge, we Türkiye, Australiye, Amerika, Qazaqistan, Qirghizistan, Özbekistan, Shiwitsiye, Shiwitsariye we Saudi Erebistan qatarliq döletlerdiki teshkilat we shehislerge alahide rehmet eytidu!