Öz muhbirimiz Abdullah Pamirning biwasta bergen inkasigha qarighanda, nöwette Hitay hökümitining Sherqiy Türkistanda benzin, selerke qatarliq nefit mehsulatlirini Hitayning içkir ölküliridiki normal bahadin tehimu qimmet bahada setishi, yerlik helqning qattiq naraziliqini qozghighan, mesilen, Hitayning içkiri ölküliride bir kilo benzinning otturçe bahasi 2.40 bolghan bolsa, Sherqiy Türkistanda 3.20 yüwendin setilghan.

Ismini ashkarilashni halimighan bir Uygur muhbirimizgha mundaq digen: "Hitayning nefit mehsulatlirigha bolghan ehtiyajning 90 pirisentidin köpregi Sherqiy Türkistandin teminliniwatidu, ehwal shundaq turup yene Hitay hökümitining Sherqiy Türkistandiki nefit mehsulatlirining bahasini Hitayning içkiri ölkiliridinmu qimmet bahada setishi – Sherqiy Türkistanliqlarni iqtisadi jehettin qöshlap taran – talaç qilishtin bashqa nerse emes. Pütmes – tügümes bayliqning üstide yashawatqan Sherqiy Türkistanliqlar hazir "Putida ayiqi yoq mozdoz"gha aylinip qaldi.