Öz muhbirimiz Abdullah Pamirning wetendin biwasta bergen hewirining mezmunigha asaslanghanda, 1999 – yili – 9 – ayning 3 – küni, Qeshqer sheherlik saqçi bashqarmisi Hoten tewesidin kelgen 40 yashtin töwen herqandaq Uygurni tutup soraq qilish heqqide buyruq çüshürgen, etisidin etibaren Qeshqer saqçi dairliri Hoten rayonigha kirip – çiqidighan barliq yol eghizlirini qattiq qamal qilip, Hotendin Qeshqer tewesige kirgen Uygurlarni tekshürüshke bshlighan. Yene bir tereptin saqçi dairliri Hotenlik yashlarni "Öwlash" meqsidide Qeshqer shehridiki barliq mehmanhana we yataqlardin 13 neper Hotenlik Uygur yashni tutup, ularni Qeshqer wilayetlik saqçi bashqarmisigha élip ketken.

Muhbirimizning bayan qilishiçe, Qeshqerdiki saqçi dairliri bu yil 8 – ayning ahiridin buyan Hitay hökümitining Hoten rayonida élipberiwatqan "Milliy bölgünçiler"ni ahturup tutush herkitige masliship berish meqsidide yuqarqiy tedbirni yolgha qoyghan.