Öz muhbiri Uçqunning 99 – yili 11 – ayning 8 – küni wetendin biwaste yollighan deslepki ahbaratigha asaslanghanda, yéqinda Hitay saqçi dairliri Hoten nahye Seghizköl yezisidiki Tohtihajimni, "Milliy bölgünçini öyide saqlighan" digen bednam bilen 4 oghli, 3 qizi we newriliri bilen qoshup qolgha aldi. Fashist Hitay saqçiliri Tohtihajim we uning pütün ailisidikilerni qolgha élish bilenla qalmastin uning öyige ot quyup köydüriwetkendin keyin, topa ittirish mashinisi bilen tüzliwetti.

Hitay dairlirining eyipnamisigha asaslanghanda, Tohtihajim Hitay hökümiti terpidin buyil 9 – aylarda tutush buyruqi çüshürülgen Abdulqadir Memtimin qatarliq 8 neper "milliy bölgünçi"ni öyide saaqlighanmish.

Hörmetlik wetendashlar, yuqarqiy weqedin biz, Hitayda buningdin 25 yil burun ayaqlashqan "Medeniyet zor inqilabi" mezgilde yüzbergen gheyri insani siyasetlerning Sherqiy Türkistanda taki hazirgha qeder yürgüzülüp kéliwatqanliqini nahayiti roshen halda köriwalalaymiz. Çünki "Medeniyet zor inqilabi" bir ailidin birkishi sewenlik ötküzüp qoysa, uning pütün jeddi – jemeti qoshup küresh qilinatti. Hotenlik Tohtihajimning bala – çaqa we newriliri bilen birge qolgha élinishi – buning eng janliq ispatidur. Tehimu eçinishliq bolghini shuki, Hitay saqçilirining Tohti hajimning öyini ot qoyup köydürüp, topa ittirish mashinisi bilen tüzliwetkenliki – kommonist Hitay hakimiyitining 2 – dunya urushidin taki hazirgha qeder eyiplep kilewatqan "Yapon qaraqçiliri"ning eyni çaghdiki qilmish – etmishlirige warisliq qiliwatqanliqini eniq körsütüp bermekte.