" Sherqiy Türkistan Informatsiyon Merkizi " teripidin qolgha çüshürülgen Hitayçe "Hoten Geziti " ning 99 – yili 10 –ayning 26 – künidiki sanida élan qilinghan bir hewerning mezmunigha asaslanghanda, "Hoten sheherlik partikom intizam tekshürüsh komiteti" yéqinda , Hoten sheherlik teptish mehkimisi qolgha élishni testiqlash bölümining bashliqi Erkin Emetke, " Döletning biheterlikige ziyan yetküzgen jinayetçilerning dilosini birterep qilish jeryanida , délil – ispat yetersiz , digenni bahane qilip ,diloni qesten kéçiktürüp , jinayetçilerni qolgha élishni ret qilghan "digen töhmet bilen " Partiyide 2 yil qaldurup sinash jazasi " bergen.
" Hoten Geziti "diki merkur hewerde eynen mundaq dep bayan qilinghan:
"Sheherlik teptish mehkimisi qolgha élishni testiqlash bölümining bashliqi Erkin Memet, döletning biheterlikige ziyan yetgüzgen jinayetçini yoshürghan we qoghdighanlargha ait bir diloni we qanunsiz halda partlitish buyumini saqlighan yene bir diloni bejirish jeryanida, " délil – ispat yetersiz" digenni bahane qilip, mezkur ikki diloni razwitka qélishni tohtatghan we dilogha munasiwetlik jinayetçilerni qolgha élishni testiqlimighan , netijide jinayetçilerni qolgha élish hizmiti üzlüksiz halda tosqunluqqa uçrighan. Yéqinda Hoten sheherlik intizam tekshürüsh komiteti uninggha partiyide ikki yil qaldurup sinash jazasi berdi ".

Mezkur maqalida yene mundaq diyilgen :
" Tekshürishimizçe, 1996 – yili 11 – aydin 1997 – yili 4 – ayghiçe bolghan mezgil içide, Erkin Emet " délil – ispat yetersiz, mening bashqurush dairem içide emes" digenni bahane qilip, dilolarni razwitka qilishni özligidin tohtutup qoyghan, netijide mezkur diloni birterep qilish ishi 11 aydin artuq kéçikken. 1998 –yili 6 – ayda Hoten sheherlik jamaet hewipsizlik idarisi döletning biheterlikige tesir yetküzidughan partilatquç buyumni qanunsiz halda saqlash dilosini pash qilip, Éli Eysa qatarliq 2 neper jinayetçini ( keyin bu jinayaetçiler ayrim – ayrim halda 7 yilliq we 6 yilliq qamaq jazalirigha höküm qilindi) qolgha élish heqqide teptish mehkimisining qolgha élishni testiqlash bölümige iltimas sunghan idi, emma Erkin Memet ilgiri - keyin bolup 3 qétim " délil – ispat yetersiz " digenni bahane qilip, yuqarqi 2 neper jinayetçini qolgha élishni ret qildi, hetta teptish mehkimisining muawin bash teptishi jinayetçilerni qolgha élishni testiqlighan bolsimu, emma u yenila ijra qilgili uminidi ".

Hörmetlik wetendashlar, nöwette Hitay hökümitining Sherqiy Türkistanda heçbir délil – ispatsizla minglarçe bigunah kishilerni qolgha élip turmilerge tashlighanliqi we ularni turmilarda insan qélipidin çiqqan wehshi usullar bilen qattiq qiyin – qistaqlargha duçar qiliwatqanliqi, pütün dunya janaetçiliki teripidin bilinip kéliwatqan bir hadise, bu hil ehwallar hetta bu yilning beshida helqara keçürüm teshkilatining Sherqiy Türkistan heqqide pütün dunyaga élan qilghan 92 betlik omomi doklatidimu nahayiti tepsili we délil – ispatliq halda eniq otturigha qoyulghan idi. biz, "Hoten Geziti "ge besilghan yuqarqi hewerni oqush arqiliq, kommonist Hitay hakimiyitining çekidin ashqan bu hil qilmishlirining hetta özlirining qanun hadimliriningmu naraziliqini qozghighanliqini roshen halda körüwalalaymiz. Çünki Sherqiy Türkistanning nöwettiki sharaitini bilgen her qandaq bir insangha shu nuqta nahayiti eniqki, hetta sella yip uçigha ige bolghan bir diloni 11 ay basurup qoyushi esla mümkin emes, belkim bu dilo siyasi dilo bolmay, adettiki jinayi ishlar dilosi bolghan bolsa shundaq qilish mümkin idi, emma yuqurida bayan qilinghan dilo eng nazuk siyasi dilodin ibaret.

Bu yerde eskertip ötüshke tegishlik yene bir mesile barki , Sherqiy Türkistandin qiçip kélip Germaniyede siyasiy bashpanahliq tilep turiwatqan bézi Uygurlarning bayan qilishiçe, yéqinqi mezgillerdin buyan Hitay dairliri Sherqiy Türkistanda "Qanunsiz partilitish boyumlirini saqlighuçilargha zerbe berish" herkitining qozghap, kançiliq, ériq - östeng we köl yasash tash çéqish... qatarliq normal ishlepçiqirishta qollinish üçün öyide qanunluq halda partilitish dorilirini saqlighan köpligen kishilerni töhmet bilen qölgha alghan, emma Hitay dairliri Sherqiy Türkistanda yashawatqan Hitay puhralirini bu herketning dairisige almay peqetla yerlik kishilernila zerbe berish nishani qilghan. Öyide partilitish dorisi saqlighini üçün qolgha élinghan köpligen kishiler gerçe sot mehkimiliride partilitish dorilirini ligiri hökümet orunliridin mehsus ishlepçiqirishqa qollunush üçün qanunluq halda setewalghanliqini pakitlar bilen ispatlighan bolsimu, emma Hitay dairliri bu biçarilerning dert – peryatlirigha qulaqsalmay, naheq halda türlük qamaq jazalirigha höküm qilinghan. Mushu seweptinla Sherqiy Türkistanning köpligen jaylirida yerlik karhanilarning partilitish dorisigha ihtiyaji tughulghan kançiliq, benakarçiliq we tashçiliq..... ishlepçiqirish palej halgha çüshüp qalghan. Dimek, Hoten sheherlik teptish mehkimisu qolgha élishni testiqlash bölümining bashliqi Erkin Memetning "Délil – ispat yezersiz" digen sewep bilen qolgha élishni retqilghan 2 neper Uygurning, peqet ishlepçiqirish ishlirida qollunush üçün qanunluq halda partilitish dorisi saqlighanliqi üçün naheq halda qolgha élinghan kishilerdin bolush ihtimali nahayiti yuqiri.