Öz muhbirimiz Abdullah Pamirning wetendin béwasta yollighan melumatigha asaslanghanda, " Hitay Armiyesi"ning Yekende turushluq 23642 – qisimdiki eskerler yéqinda Yeken deryasi körüküning etrapida herbi maniwer ötküsh jeryanida, yerlik déhqanlarning 50 mo yerdiki shallikini dessep – çeylep tamamen nabut qiliwetken. Buninggha narazi bolghan 5 neper Uygur déhqan shuyerdiki herbi qisimlarning qomandanliq shitabigha bérip, herbi qomandan Wang jinggha shalliqni nabut qiliwetken eskerlerge buyruq çushurup bu 5 neper déhqanni tutquzup tirekke çemberças baghlatquzup we bu biçare dihqanlarni 30 din artuq Hitay eskirge boksurçiliqni meshiq qilishqa tutupbergen. Hitay eskerler bu déhqanlar taki halsizlinip hoshidin ketküçe qattiq urup dombalap, arqidin sörep apirip koçigha tashliwetken. Bu biçarilarni bashqa Uygurlar yoldin tepiwélip derhal dohturhanigha élip bérip dawalatqat, emma ularning biri dawalash ünümbermey 4 kündin keyin dohturhanida qan qusup ölgen. Hitay eskerlirining bu fashistik qilmishi yerlik helqning qattiq ghezep-nepritini qozghighan.