Öz muhbirimiz hewiri: Nöwette Türkiyening Sherqiy jenubi we Anadolu rayonida tekshürüsh élip beriwatqan Amerika tashqi ishlar ministirining orunbasari Harolt Koh efendi 11 – ayning 9 – küni Türkiyening Istanbul shehride muhbirlarni kütiwélish yighini çaqirghan idi. Bu qétimqi muhbirlarni kütiwélish yighinigha qatnashqan Türkiyediki " Sherqiy Türkistan Köçmenler Jemiyiti"ning muawin reisi Arsilan Alptekin purset tepip Koh efendining yenigha kilip uning bilen qisqiçe körüshti, körüshüsh jeryanida Arsilan efendi Koh efendige özini qisqiçe tonushturup ötkendin keyin, uninggha, Hitay hökümitining Sherqiy Türkistandiki insan heqlirige qarita yürgiziwatqan tajawuzçiliq qilmishliri eyiplengen bir parçe murajat name bilen, Sherqiy Türkistanning ay – yultuzluq kok bayriqi çüshürülgen iznek teqdim qildi, Koh efendi murajetname bilen iznekni memnuniyet bilen qoligha aldi we purset tepip mezkur murajatnamini oqup çiqidighanliqini bildürdi.