Kommunist Hitay Hakimiyitining Sherqiy Türkistanni Ishghal Qilghanliqining 50 – yilliqi Munasiwiti Bilen Germaniye Insan Heqliri Teshkilati Terpidin Hujjetlik Dokulat Besip Tarqitildi. Öz muhbirimiz hewiri: Bu yil 11 – ayning 1 – küni " Germaniye Insan Heqliri Teshkilati"ning Muenchen shöbisi, Kommunist Hitay hakimiyitining Sherqiy Türkistanni ishghal qilghanliqining 50 – yilliqi munasiwiti bilen mehsus hüjjetlik dokulat besip tarqatti. Nemis tilida hazirlanghan mezkur dokulatta, Kommunist Hitay hakimiyitining Sherqiy Türkistandiki insan heqlirige qiliwatqan tajawuzchiliq qilmishliri tepsili we keng dairde bayan qilinghan bolup, uningda, namratliq, Hitay köchmenliri, pilanliq tughut, Atom sinaqliri we uning yerlik helqqe keltürgen balayi – apetliri, qanunsiz tutqun qilish we nahaq étip öltürüsh.... qatarliq türluk mezmunlar eksettürülgen köpligen poto süretler yer alghan. Uningdin bashqa yene dokilatta, Germaniyediki "Yawrupa Sherqiy Türkistan Birliki"ning yeqinqi mezgillerdin buyan Hitay hökümitige qarshi élip barghan namayishlirining körünüshliri, Germaniyede paaliyet qiliwatqan meshhur Uygur siyasi erbabi Erkin Aliptekinning we " Yawrupa Sherqiy Türkistan Birliki"ning reisi Esqerjanlarning Germaniyediki bezi konpiranslarda sözligen nutuqliri muwapiq shekilde yeralghan. Yuqirqi dokulat, bu yil 11 – ayning 1 – künidin étibaren barliq helqaraliq teshkilatlargha, jumlidin insan heqliri teshkilatlirigha, Yawrupa ellirining milliy parlementlirigha we Germaniye insan heqliri teshkilatining barliq ezalirigha keng dairde tarqitildi. |