"Sherqiy Türkistan Informatsiyon Merkizi" terpidin qolgha çüshürgen "Hoten sheherlik Jamaet hewipsizliki idarisining bir içki hewernamisida eynen mundaq diyilgen:

1. Lopnahyesidin qanunsiz bomba yasighan Ezizullah Nurehmet bilen Ablet tutuldi;
2. Hoten sheherlik pahta yighiwélish ornidin özi yasighan qararliq partilaydighan 2 bomba tepildi, bu dilo hazir tekshürülmekte, shu qatarda Memet Abdullah, Rahman Hélil qatarliq 500 adem qolgha élindi.
3. Hoten shehridin tepilghan özi yerlik usulda yasighan herhil bomba 1000 din eship ketti;

Biz, Hitay hökümitining hewernamisida bayan qilinghan weqelerdin shu nuqtini çungqur his qilimizki, birinçidin, Hoten rayonida Hitay dairlirining heçqandaq délil ispatsiz, peqetla guman bilen Uygurlarni qara – qoyuq kolliktip halda tutqun qilish ehwalliri taza ewjige çiqqan, buninggha yuqirqi hewernamida bayan qilinghan 2 – weqe toluq ispat bolalaydu, çunki Hitay dairliri namelum kishiler terpidin Hoten nahyélik pahta yighewélish ornigha yushurun qoyulghan 2 bombini tepiwalghan we bu bombilarni yoshurghan kishilerni tepish üçün, heç bir délil – ispatsizla 500 din artuq kishini qolgha alghan, bu kommunist Hitay hakimiyitining, " mingi naheq tutulsa – tutulsunki birsimu qéçip ketmisun" deydighan yawuz mentiqisining mehsulidur. Çünki 500 ademning birla waqitta 2 dane bombini yoshurun qoyishi heç bir mentiqke toghra kelmeydu!

Ikkinçidin, Hitay dairlirining Hoten rayonida yürgiziwatqa çekidin ashqan gheyri insani qilmishi, tebihalda yerlik helqning hökümetke bolghan ghezep – nepritini we qarashlirini qozghighan, bolupmu Hitay hökümitige qarshi qoralliq herketler tarihida heç körülüp baqmighan derijide küçeygen, buninggha yuqarqi hewernamidiki 3 – weqe toluq ispat bolalaydu, çunki peqet Hoten shehrining özidila yerlik usulda yasighan mingdin artuq bombining bayqilishi, Hoten rayonining siyasiy weziyitining neqeder jiddi bir weziyetke yetkenlikini roshen körsütüp bermekte.