Öz muhbirimiz Uçqunning 10 - ayning 30 – küni wetendin biwaste yollighan ahbaratigha asaslanghanda, yéqinda Hoten sheherlik saqçi idarisi, Hoten sheherlik 3 – ottura mektep toluqsiz 3 – yilliq sinip oqughuçisi 15 yashliq Aynur Yasinni, "Eksiyetçil shuar çaplighan" digen sewep bilen qolgha alghan. Muhbirimizning Hoten sheherlik jamaet hewipsizlik idarisining içki höjjitige asaslinip turup bayan qilishiçe, Aynur Yasin etigenlik çéniqish wahtidin paydilinip Hoten sheherlik türlik mallar shirkitining aldi témigha birqançe qétim " Eksiyetçil" shuar çaplighan, shuar çaplash weqesidin keyin, Hotendiki saqçi dairliri 450 neper "gumanliq" ademning het pojirkisini tekshürüsh arqiliq, ahiri 15 yashliq Aynur Yasinni, " pojirkisi eksiyetçil shuarning pojirkisigha ohshaydiken" digen guman bilen qolgha alghan. Muhbirimizning igellishiçe, Aynur Yasin hazirgha qeder Hoten sheherlik saqçi idarisida qamaqta iken.