2 – Dunya urishi mezgilide Germanye nazist armiyesining ishghal astidiki eller helqlirige qarita yürgüzgen fashistik yawuz qilmishliri, nöwette Hitay dairliri terpidin Sherqiy Türkistanning Hoten rayonida eynen ijra qilinmaqta. Öz muhbirimiz Uçqunning 10 – ayning 30 – küni wetendin biwasta bergen hewirige asaslanghanda, hazir Hitay saqçi dairliri Hoten wilayitidege kirip – çiqqan herqandaq Uygurning üsti – béshini we élip mangghan yük – taqilirini qanunsiz halda ahturidighan boluwalghan we buninggha qarshiliq körsetkenlerni haman shuyerdila qolgha élip urup – soqup qattiq qiynighan, bolupmu Hoten helqining qattiq ghezep – nepritini qozghighini shu bolghanki, Hitay saqçiliri Uygur ayallirining üsti – béshini ahturush jeryanida ayallargha pohurluq we edepsizlik qilip, Uygur ayallirini erlirining we ballirining közaldida turghuzupla éghir derijide haqaretligen. Bolupmu bu hil ehwallar Niye, Guma, Çirye nahyéliridiki tekshürüsh punkitlirida intayin éghir bolghan. Hitay saqçi dairlirining buhil zorawanliqi tüpeylidin, köpligen dehqanlar neççe 10 kilometirliq yolni bihude bésip, tekshürüsh punkitliridin aylinip ötüshke mejbur qalghan. Hotende buhil qilmishqa qattiq narazi bolghan yerlik amma, "Bundaq weqelerni burun biz peqet kinolarda körgen iduq, emdi bolsa bu ishlar bizning béshimizgha keldi" diyishken.