Hotenning Seghizköl Yézisida Qorshaw Astida Qalghan Mujahidlar Hitay Saqçiliri Bilen Nepisining Ahirigha Qeder Qattiq Jeng Qildi. Öz muhbirimiz Uçqunning wetendin biwasta bergen hewirining mezmunigha asaslanghanda, 1999 – yili 10 – ayning 26 – küni keçe saet 11 din 30 minut ötkende, Hoten nahyesining Seghizköl yezisidiki bir öyde yushurunup yatqan 8 neper mujahid ( Bularning ikki nepiri ayal ) Hitay saqçiliri terpidin sézilip qélip qorshaw astida qalghan. Mujahidlar qatmu – qat qorshawni bösüp çiqish üçün, özliri yerlik usulda yasighan bombilarni Hitay saqçilirigha qaritip étip qattiq tirekeshken. Mujahidlar bilen Hitay saqçiliri otturisidiki qoralliq toqunush top – toghra 7 saet dawam qilghan, Hitay saqçilirining mujahidlarni qattiq oq yamghurigha tutushi netijiside, Qaraqashliq mujahid Abdulqadir Memtimin... qatarliq 3 neper mujahidqa oq tégip neh meydanda mertlerçe shehid bolghan ( Shehid bolghan mujahidlarning biri ayal ), 4 nepiri éghir yarilinip Hitay saqçilirining qoligha çushup qalghan, peqet bir neper mujahid qatmu – qat qorshawni saq –salamet halda bösüp çiqip qéçip ketken. Muhbirimizning bildurushiçe bu jengde Hitay saqçiliridinmu hélila kishi ölgen we yardar bolghan emma Hitay dairlirining bu toghrridiki hewerni nahayit qattiq yushurghanliqidin hazirçe Hitay saqçiliridin qançe kishining ölgen we yaridar bolghanliqi éniq emes. Bu qétimqi jengde shehid bolghan Qaraqashliq 27 yashliq mujahid Abdulqadir Memtimin heqqide Hitay saqçi dairliri bu yil 9 – ayda pütün Sherqiy Türkistan boyiçe tutush buyriqi çiqarghan we bu heqtiki hewer "Uçqun" gezitining ötkenki sanlirida tepsili hewer qilinghan idi. |