Yeqinda "Sherqiy Türkistan Informatsiyon Merkizi" teripidin qolgha çüshürülgen Hitayçe "Hoten Géziti"ning 99 - yili 10 - ayning 28 - künidiki saninga , "Kim qanunsiz diniyy heriket bilen shughullansa ,Shuni qattiq bir terep qilimiz!" digen mawzuda bir parce alahide hewer besildi. Mezkur hewerde bayan qilinishiçe ,Hitay dairliri Hoten wilayitige tewe Qaraqash Nahiyisining Qariqash baziri 16 - kent Oybagh Mesjidiniyng Imami Memet Elini Mesjidde , Jamaetke Hitay kommonistik Partiyisining siyasetlirini teshwiq qilishqa qistighan bolsimu , emma wijdanliq bu Imam , Hitay hökümitining téliwini ret qilghan. Netijide , Hitay dairliri Memet Elige yoqilang töhmetlerni çaplap, Uninggha iqtisadi jehettin eghir jaza berish bilen birge, uni Imamliqtin élip tashlidi.

"Hoten Géziti"ge besilghan mezkur maqalining bir abzasida eynen mundaq dep bayan qilinghan: "Tekshürüsh jeryanida Memet Éli diniy wezipe ötesh mezgilide , Partiyining diniy siyasetlirini we qanun – qaidilirini ügenmigen , teshwiq qilmighan , ijra qilmighan , dinni bashqurush tarmaqlirining besip tarqatqan belgimilirini körsimu , körmeslikke salghan . Munasiwetlik tarmaqlar , diniy zatlargha ügünüsh orunlashturghanda we terbiyilesh paaliyetlirini élip barghanda , Memet Eli qatnashmighan. Nahiyilik birliksep, diniy bashqurush orunlirining we wilayet, nahiye rehberlirining köp qétim tenqit-terbiyesini anglimighan. Yene jemiyettiki salahiyiti eniq bolmighan kishilerni Oybagh mesjidide turguzghan , mihraptin paydililip diniy esebi idiyelerni tergip qilghan . Oybagh mesjidi milliyyy bölgünci we qanunsiz diniy paaliyetlerning uwisigha aylanghan. Qariqash nahiyisining , shundaqla Hoten wilayitining muqimliqigha eghir tesir yetküzgen hewiplik mesjid bolup qalghan .Memet Elining yuqarqi qanunsiz qilmishlirigha asasen, Uni diniy wezipisidin élip tashlash , iqtisadi jehettin eghir jaza berish qarar qilindi, shuning bilen birge , Oymaq mesjitini bashqurush hizmitini yahshi bir terep qilish qarar qilindi".

Hörmetlik wetendashlar , yuqarqi hewerni oçush arqiliq biz, kommunist Hitay hökümitining nöwette , Sherqiy Türkistandiki diniy sahege qaritiwatqan besimining neqeder qattiq ikenligini roshen körüwalalaymiz. Hitay dairliri diniy étiqad heqqide özining asasi qanunida we özi çiqarghan "Milliyyy terutoriyilik aptonomiye qanuni" da otturigha qoyulghan belgilimilerni oçuq – ashkare halda depsende qilish bilen birge, hetta Hitayning qanun dairisi içide normal diniy paaliyet élip beriwatqan diniy zatlargha we mesjidlergimu kommonistik edilogiyeni mejbur halda singdürüshke urunghan. Bu weqe – Sheqiy Türkistanda insani heq – hoqoqlarning eng egir derijide depsende qiliniwatqanliqining roshen ipadisidin ibaret , halas!