Öz muhbirimiz Uchqunning bu yil 10 – ayning 3 – küni Wetendin biwaste bergen hewirige asaslanghanda, bu yil 9 – ayning 27 – küni chüshtin burun Hoten wilayetlik, Hoten sheherlik we Hoten nahiyilik ottura sot mehkimliri birleshme ochuq sot yighinini chaqirip, 12 neper uygurni "hakimiyetni parchilashqa urundi", "qutratquluq qilghan", "qanunsiz halda partilatquch boyumlirini yasighan, toshighan", "qesten adem öltürülgen we bulangchiliq qilghan" digendek töhmetler bilen ayrim ayrim halda ölüm jazasigha we muddetlik qamaq jazalirigha höküm qilghan.

Bu qetim Hitay sot mehkimliri teripidin 12 neper uygurlar töwendikilerdin ibaret:

1. Ebey Turdi – Hoten wilayetlik ottura sot mehkimisi teripidin "qesten adem ölturgen" digen töhmet bilen ölüm jazasigha höküm qilinip, shu küni etilip shehit qilindi.
2. Abidin Ershidin - Hoten wilayetlik ottura sot mehkimisi teripidin "hakimiyetni aghdurushqa qutratquluq qilghan" digen töhmet bilen muddetlik 2 yilliq qamaq jazasigha höküm qilindi we siyasiy hoquqidin bir yil mehrum qilindi.
3. Husenlan Hoshur - Hoten wilayetlik ottura sot mehkimisi teripidin "hakimiyetni aghdurushqa qutratquluq qilghan" digen töhmet bilen muddetlik 4 yilliq qamaq jazasigha höküm qilindi we siyasiy hoquqidin ikki yil mehrum qilindi.
4. Abduqadir Abdurahman - Hoten wilayetlik ottura sot mehkimisi teripidin "döletni parchilashqa urunghan" digen töhmet bilen muddetlik 12 yilliq qamaq jazasigha höküm qilindi we siyasiy hoquqidin üch yil mehrum qilindi.
5. Ebeydullah Qari - Hoten wilayetlik ottura sot mehkimisi teripidin "qanunsiz halda partlatquch boyumlirini yasighan we toshighan" digen töhmet bilen muddetlik 15 yilliq qamaq jazasigha höküm qilindi we siyasiy hoquqidin üch yil mehrum qilindi
6. Jüme Ömer - Hoten wilayetlik ottura sot mehkimisi teripidin "döletni parchilashqa urunghan, qanunsiz halda partilatquch boyumlirini yasighan" digen töhmet bilen muddetlik 20 yilliq qamaq jazasigha höküm qilindi we siyasiy hoquqidin besh yil mehrum qilindi
7. Ehmet Niyaz Ibrahim – Hoten sheherlik sot mehkimisi teripidin "qanunsiz halda partilatquch boyumlirini yasighan" digen töhmet bilen muddetlik 3 yilliq qamaq jazasigha höküm qilindi.
8. Tursun Tohti Idris - Hoten sheherlik sot mehkimisi teripidin "qanunsiz halda partilatquch boyumlirini yasighan" digen töhmet bilen muddetlik 7 yilliq qamaq jazasigha höküm qilindi.
9. Hesen Ismayil - Hoten sheherlik sot mehkimisi teripidin "bulangchi, jinayetchi" digen töhmet bilen muddetlik 7 yilliq qamaq jazasigha höküm qilindi.
10. Ablikim Qurbanniyaz – Hoten nahiyilik sot mehkimisi teripidin "partilatquch boyumlirini yasighan" digen töhmet bilen muddetlik 5 yilliq qamaq jazasigha höküm qilindi.

(Izahat: muhbirimiz bu qetim hökümge elan qilinghan 12 neper uygurdin peqet 10 kishiningla tizimlikini yollighacqa, qalghan 2 nepirining ehwalidin sizlerni hewerdar qilmiduq, bu heqte sizlerge pat yiqinda yenimu tepsili melumat berishqa tirishimiz)