Öz muhbirimiz Uçqunning bu yil 10- ayning 3- küni wetendin biwaste bergen hewirige asaslanghanda, bu yil 9- ayning 27- küni çüshtin burun Hoten wilayetlik, Hoten sheherlik we Hoten nahiyilik otturasot mehkimiliri birleshme oçuq sot yighini çaqirip, 12 neper Uygurni "Hakimiyetni Parçilashqa Urunghan", "Qutiratquluq Qilghan", "Qanunsiz Halda Partilatquç Buyumlirini Yasighan, Toshighan", "Qesten Adem Öltürgen We Bulangçiliq Qilghan" digendek töhmetler bilen ayrim- ayrim halda ölüm jazasigha we muddetlik qamaq jazalirigha höküm qilghan.

Bu qetim Hitay sot mehkimiliri teripidin höküm élan qilinghan 12 neper Uygur töwendikilerdin ibaret:

1. Ebey Turdi- Hoten wilayetlik ottura sot mehkimisi teripidin "Qesten Adem Öltürgen" digen töhmet bilen ölüm jazasigha höküm qilinip, shuküni etilip shehit qilindi.
2. Abidin Ershidin- Hoten wilayetlik ottura sot mehkimisi teripidin "Hakimiyetni Aghdurushqa Qutiratquluq Qilghan" digen töhmet bilen muddetlik 2 yilliq qamaq jazasigha höküm qilindi we siyasi hoqoqidin bir yil mehrum qilindi.
3. Hüsenjan Hoshur- Hoten wilayetlik ottura sot mehkimisi teripidin "Hakimiyetni Aghdurushqa Qutiratquluq Qilghan" digen töhmet bilen muddetlik 4 yilliq qamaq jazasigha höküm qilindi we siyasi hoqoqidin ikki yil mehrum qilindi.
4. Abduqadir Abdurahman- Hoten wilayetlik ottura sot mehkimisi teripidin "Döletni Parçilashqa Urunghan" digen töhmet bilen muddetlik 12 yilliq qamaq jazasigha höküm qilinip, siyasi hoqoqidin 3 yil mehrum qilindi.
5. Ebeydulla Qari- Hoten wilayetlik ottura sot mehkimisi teripidin "Qanunsiz Halda Partilatquç Buyum Yasighan We Toshighan" digen töhmet bilen 15 yilliq muddetlik qamaq jyzasigha höküm qilindi we siyasi hoqoqidin 5 yil mehrum qilindi.
6. Jüme Ömer- Hoten wilayetlik ottura sot mehkimisi teripidin "Döletni Parçilashqa Urunghan, Qanunsiz Partilatquç Buyumlirini Yasighan" digen töhmet bilen muddetlik 20 yilliq qamaq jazasigha höküm qilindi we siyasi hoqoqidin 5 yil mehrum qalduruldi.
7. Ehmet Niyaz Ibrahim- Hoten sheherlik sot mehkimisi teripidin "Qanunsiz Halda Partilatquç Buyumlirini Saqlighan" digen töhmet bilen 3 yilliq muddetlik qamaq jazasigha höküm qilindi.
8. Tursun Tohti Idirs- Hoten sheherlik sot mehkimisi teripidin "Qanunsiz Partilatquç Buyumi Yasighan" digen töhmet bilen muddetlik 7 yilliq qamaq jazasigha höküm qilindi.
9. Hesen Ismayil- Hoten sheherlik sot mehkimisi teripidin "Bulangçi Jinayetçi" digen töhmet bilen 7 yilliq qamaq jazasigha höküm qilindi.
10. Ablikim Qurban Niyaz- Hoten nahiyilik sot mehkimisi teripidin "Partilatquç Buyum Yasigha" digen töhmet bilen muddetlik 5 yilliq qamaq jazasigha höküm qilindi.

(Izahat: Muhbirimiz bu qetim hökümge élan qilinghan 12 neper Uygurdin peqet 10 kishiningla tizimlikini yollighaçqa, qalghan 2 nepirinin ehwalidin sizlarni hewerdar qilalmiduq, bu heqte sizlerge pat yeqinda yenimu tepsili melumat berishqa tirishimiz)