Sizlerge melum bolsa kérek, bu yil 8- ayning 9- Küni Hotenning Lop nahiyiside 10 minggha yéqin Uygur ammisi Hitay hökümitige qarshi naraziliq namayishi ötküzgen we namayishtin keyin mingdin artuq kishi qolgha élinghan idi. Hitay dairliri shukündin etiwaren Hoten rayonida qattiq herbi haletni yolgha qoyup, bu rayonning tashqi dunya bilen bolghan alaqisini pütünley üzüp tashlidi, Hoten rayonida herbi halet taki hazirgha qeder daqam qilmaqta. Bolupmu 9- ay kirgendin buyan hotende siyasi weziyet kündin- künge eghirlashmaqta. Nöwette Hitay dairliri Hotenning Qarqash nahiyisige bir diwiziye muntizim eskerni yötkep kirip, yerlik helqqe qarta omomi yüzlük tutqun qilish we qirghinçiliq qilish herikiti élip barmaqta. Bu yil 8- aydin hazirgha qeder hoten rayonida 2 minggha yéqin Uygur "Milliy bölgünçi" digen töhmet bilen naheq halda qolgha élindi, Küresh qatarliq 10gha yéqin yash Hitay saqçiliri teripidin shehit qilindi. Hazir Hoten rayonida Hitay dairlirining bu hil fashistik herikiti dawamlashmaqta. Hoten rayonidiki siyasi yüzlünüsh shuni eniq körsütüp turuptuki, nöwette Hitay dairliri bu rayonda keng kölemlik bir qirghinçiliqqa hazirlanmaqta. Shunga Hitay mustemlikiçilirining bu hil süyqestini dunya jamaetçiliki aldida toluq pash qilish üçün, merkizimiz dunyaning herqaysi jaylirida paaliyet qiliwatqan Sherqiy Türkistan teshkilatlirini, Uygur jamaitini we millet perwer shehsilirimizni özliri turiwatqan döletlerde Hitayning Hotendiki qirghinçiliqigha qarshi türlük paaliyetlerni teshkillesh arqiliq, dunya jamaetçilikining bu weqeghe bolghan diqqet- etiwarini qozghashni qolgha keltürüshge we Hitay dairlirige jiddi inkas qayturushqa çaqirimiz.

Izhat: Sizlerni Hotenning yéqinqi weziyitidin toluq hewerdar qilish meqsidide, Informatsiyon Merkizimiz teripidin yéqinda hazirlinip dunyadiki helqaraliq teshkilatlargha yollanghan mehsus Hoten heqqidiki qisqiçe dokilatni sizlerge yolliduq. Eger bu heqte yenimu tepsili melumatqa éhtiyajingiz çüshse, Informatsiyon Merkizi bilen biwaste alaqilishingiz bolidu.

Hormet Bilen :

"Sherqiy Türkistan Informatsiyon Merkizi"

Reisi Abdujélil Qarqash