Alahide muhbirimiz Uçqunning bu yil 9- ayning 21- küni wetendin biwaste bergen hewirige qarighanda, bu yil 8- ayning 8- küni Hotenning Lop nahiyisidiki bazarda bir Uygur qoghunçi qoghun setip oltursa, bir Hitay qoralliq saqçisi kelip bir qoghun alghan, emma bu mekkar Hitay qoghunçigha bir qoghunning pulini berip, 3 qoghunni oghriliqçe kötürüp mangghan, heliqi qoghunçi bu Hitayni tutiwelip, "Nimishqa bir qoghunning pulini berip 3 qoghunni elip mangisen?" dep sorighanda, bu mutihem Hitay közlirini çekçeytip, "Mana pul!" dep hökürep, heliqi biçare qoghunçini qattiq urup- tepip yatquzup qoyghan, bu naheqçiliqqa çidimighan etiraptiki helq, derhal olushup kelip heliqi Hitayni tutiwelip qoyup bermigen, shuning bilen weqe çongiyip ketken. Yerlik helqning qozghulup ketishidin qattiq qoruqan Hitay dairliri, hapila- shapila hoten wilayitining mes‘ulliridin Abdurahman Qurbanni neq meydangha weqeni bir terep qilishqa iwetken. Abdurehman Qurban bazagha yetip kelip, heliqi Hitay saqçisidin qoghunçigha 600 yüen tölitip beridighanliqini we saqçigha qoghunçini dawalatquzidighanliqi heqqide bazardiki Uygur ammimisigha wede berip, bu qetimqi jidelni ayrighan we heliqi mutihem Hitayni ammining qolidin qutquzup eliwalghan. Emma Hitay dairliri qoghunçigha tulem tölep berish we uni dawalitish uyaqta tursun, ertisi bu biçare qoghunçini, "Adem toplap malimançiliq peyda qilghan" digen böhtan bilen qolgha elip türmige tashlighan we uni hazirghiçe tehi qoyup bermigen. |