Hindistan 10 Yildin Buyan Keshmirde 65 Ming Mosulmanni Shehit Qildi "Sherqiy Türkistan Informatsiyon Merkizi" Hewiri: nöwette Keshmir-Islam dunyasining qansirigha rayonlirining biri. Yeqinda dunya insan heqliri küzetküçiler guruppisi, Hindistanning Keshmirde élip beriwatqan qirghinçiliqi, basqunçiliqi we qiyin- qistaqliri heqqide mehsus tekshürüsh dokilati elan qildi. Mezkur dokilatta bayan qilinishiçe, 1989- yilidin buyan Hindistan ishghali astidiki Keshmir rayonida jemi 65 ming neper musulman Hindistan eskerliri teripidin pajiélik halda shehit qilinghan, 27 ming neper musulman yarlanghan, Keshmirlik 7 ming neper musulman ayal we 10 yashtin töwen 3 ming neper kiçik qiz Hindisdan eskerlirining basqunçiliqigha uçurighan. Insan heqliri teshkilatining doklatida, Keshmirdiki musulmanlarning örp- adetlirige asasen, tajawuzgha uçirighan qizlarning ömirboyi yatliq bolalmaydighanliqi bayan qilindi. Doklatta yene, nöwette Keshmirdiki mosulmanlarning tartiwatqan zulum we külpetlirining Kosowadiki musulmanlarningkidinmu neççe hesse eghir ikenliki, Hindistan hökimitining 1947- yili Keshmirni ishghan qilghandin tartip taki hazirgha qeder Keshmir rayonida izçil türde qirghinçiliq, bulang- talang we basqunçiliq siyasitini yüzgüzüp kelgenliki, yeqinqi mezgillerdin buyan Hindistan ishghalidiki rayonlarda türmilerdiki musulman mehbuslarning öltürülüsh ehwallirining roshen derijide köpeygenliki, keshmirdiki liberal kanatning rehbiri Jalal Andi Rabi efendining türmide Hindistan eskerliri terifidin esip öltürülgenliki qeyt qilindi. Ötmüshte Keshmir sewebi tüpeylidin Hindistan bilen Pakistan bir –biri bilen 3 qétim urush qilghan idi. Amerikining ahbaratigha asaslanghanda, bir milyart nopusqa ige Hindistan 150 millyon nopusluq Pakistanni ishghal qilishqa hazirlanghan. Amerikining jasusluk süni hemralirining alem boshluqidin tartqan süretlirige asaslanghanda, Hindistan yeqinqi mezgillerdin buyan özining istgiratiyilik qurallirini Rajashan bazisigha toplighan. |