Öz muhbirimiz Abdullah Pamirning Hewiri: Bu yil 8 – ayning 9 – küni Hotenning Lopnahyeside 10 minggha yeqin yerlik helq Hitay hökümitige qarshi naraziliq namayishi ötküzgen, namayish jeryanida minggha yeqin Uygur saqçilar teripidin qolgha élinghan. Bu weqening jeryani mundaq bolghan: 8 – ayning 9 – küni Lopnahyesidiki Murteza isimlik bir Uygur yash Hitay sot mehkimiliri teripidin „ Hökimetke qarshi herketqilghan, Bomba partlatqan „ digen tohmet bilen ölüm jazasigha Hökum qilinip ijra qilinghan. Mezkur yash shehid qilinghandin keyin, Hitay dairliri shehidning jesidini uning ailisige tapshurup berishni retqilghan. Shehid Murtezaning nahaheq halda etip öltürülgenliki, yene kilip „ Ölmekning üstige tepmek „ digendek, uning jesidiningmu ailisige depne qilish üçün bérilmigenliki, Lop helqining Hitay hökümitige bolghan qattiq ghezep nepritini qozghighan. Shu küni Lopnahyesidiki 10 minggha yeqin Uygur nahyélik helq hökümiti binasining aldida toplunup tençliq namayishi ötküzüp, Hitay dairliridin shehidning jesidini uning ailisige qayturup berishni telep qilghan. Emma Hitay dairliri namayishçilarning téliwini ret qilish bilen birge, namayishçilargha yash aqquzidighan bombilarni etip, ularni mejburi halda urup soqup tarqitiwetken. Hitay dairliri yene namayishçilarni bashqilardin perqlendürwélish üçün, namayish jeryanida ularning usti beshigha asan çiqmaydigha alahide birhil boyaqni çaçqan. Namayish mejburi halda tarqitiwetilgendin keyin, saqçi dairliri öymu – öy ahturush élip berip, namayish jeryanida usti beshigha boyaq yuqup qalghan minggha yeqin Uygurni qolgha élip türmige tashlighan. Hitay dairliri yene weqening kengiyip ketishining aldini élish üçün, shu künidin etibaren Hoten teweside herbi halet yürgütüp, Hoten rayonigha kirip çiqishni waqitliq çekligen.
|
