"Helqara Sherqiy Türkistan Milliy Merkizi Ottura Asiya Ahbarat Shobisi" ning hewirige qarighanda, bir qançe aydin buyan "Qazaqistan Döwlet Biheterlik Komuteti" ning mehpi türmiside qamaqliq turiwatqan 5 neper Sherqiy Türkistanliq siyasi qaçqun yéqinda Qazaqistan hökümiti teripidin yoqup bérilgen. Qazaqistandiki we dunyaning her qaysi jayliridiki Sherqiy Türkistan Teshkilatliri we Uygur jamaiti bu hewerdin intayin söyündi we Qazaqistan hökümitining bu herikitini, insan heqliri jehette tashlanghan muhim qedemlerning biri, dep qarashti.

Köpçilikke melum bolsa kérek, bu yil 2 – aylarda Qazaqiatan hökümiti Sherqiy Türkistanndin hayatini qutquzup qeçip çiqip, Qazaqistandin siyasi panahliq tiligen Hemit Muhemmet, Qasim Mehpir, Iliyas Zurdun qatarliq Uygur yashlirini qolgha alghan hemde çeteldiki Sherqiy Türkistanliqlarning qattiq etirazilirigha qarimay bu yashlarni Hitay hökümitige tapshurup bergen idi. uningdin kéyinmu Qazaqistan hökümiti bu hil herikitini tohtatmay, bu yil 4 – we 5 – aylarda yene Sherqiy Türkistanliq siyasi qaçqunlardin 10 gha yéqin kishini qolgha élip ularni Qazaqistan biheterlik komutetining mehpi türmisige qamighan we ularni Hitay hökümitige qayturup bérishke hazirlanghan idi. bu weqedin kéyin, dunyaning her qaysi jayliridiki Sherqiy Türkistan teshkilatliri we Uygur jamaiti, Qazaqistan elçihaniliri aldida namayish qilish, helqara teshkilatlargha murajet yollash qatarliq shekillerdin paydilinip, Qazaqistan hökümitining bu gheyri insani qilmishigha qattiq naraziliq bildürdi. Uningdin bashqa yene "Helqara Keçürüm Teshkilati", "Dunya Heter Astidiki Milletlerni Qughdash Teshkilati" qatarliq bezi helaraliq teshkilatlarmu bu weqe munasiwiti bilen qazaqistan pirezdenti Nursultan Nezer Bayewqa we Qazaqistan hökümitige alahide naraziliq mektübi yolap, Qazaqistan hökümitidin bu hil gheyri insani qilmishlirini derhal tohtutushni telep qilghan idi. uningdin bashqa yene "Birleshken Döwletler Teshkilati Musapirlar Ali Komuteti" ning Qazaqistanda daimi turushluq wakaletçiliri we Qazaqistan hökümitige bu heqte besim ishletken. Netijide Qazaqistan hökümiti bu mesilini ehtiyatçanliq bilen hel qilishqa mejbur bolghan we yéqinda Qazaqistanning türmiliride turiwatqan 5 neper Sherqiy Türkistanliq siyasi qaçqunni qoyup bérishke mejbur bolghan.