Qeshqer shehri ichidiki Yumulaqsher Kölbeshi mehellisige Hitay jandarma qisimlirining (qoralliq saqchi qisimlirining )bir ottura etriti jaylashqan bolup, bu yil 2- ayning 4- küni mezkur etretining derwazisi aldidiki qarawulhanida qarawulluq qiliwatqan ikki Hitay jandarmisi shu küni kech saet yettilerde yoldin ötüp ketiwatqan acha-singil ikki Uyghur qizni ( achisi Aminem, 14 yashta, singlisi Arzigül, 12 yashta) mejburi tutiwelip, qarawulhanighanigha zorluq bilen sörep elip kirip wehshilerche basqunchiliq qilip bolup qoyup bergen. Weqedin keyin qizlarning dadisi bu jandarma mesullirigha basqunchilar üstidin erz qilish üchün barghanda , jandarmilar ularni kirgüzmigen. Qattiq ghezeplengen bu kishi jandarma etriti binasigha mejburi kirishke urunghan . Emma jandarmilar uni " Qoralliq saqchi idarisigha mejburi besip kirmekchi bolghan " digen töhmet bilen qolgha elip, Qeshqer shehridiki türmige solighan. Uning uruq – tuqqan we holum- hoshniliri buninggha naraziliq bildürüp jandarma etritige barghanda, jandarmilar ularni urup-soqup tarqitiwetken .Emma 2- ayning 6- küni kechide yolda charlash elip beriwatqan üch Hitay jandarmisi namelum kishiler teripidin palta we toqmaqlar bilen urup öltürülüp, yolgha tashlap qoyulghan we ularning qaralliri elip ketilgen ,shundaqla ölüklerning üstige "ikki narside qizning intiqamini alduq" dep het yezip tashlap qoyulghan.