Soal: Siz kaçandin béri Musulman boldingiz ?
Cavap: Alhamdullah.1989- yili, yeni bundin 9 yil burun, 25 yeşimda musulman bolğan idim.

Soal: Musulman boluşingizğa nime sevep boldi ?
Cavap: Bundaq özgürüş üçün insan aldi bilen özi teyyar boluşi kérek. Hazir cemyitimizde köpligen kişiler öz hayatidin memnun emes, emma u nime izdevatqanliqini özimu bilmeydu. Bir küni men musulmanlar bilen uçruşup qaldim. Biz bu ademlerning nahayiti küclük ekenligini şu hamanla his qilğan idim.Ularda ademge nahayiti tesir qilidiğan bir hil küç ve salmağliq güzel ehlaq bar idi. Acizlarning küçlüklerge teslim bolişi tebii iş. Çünki u ademlerdiki iyman küçi bilen güzel ehlaqi meni nahayiti tesirlendürgen idi. Şuning bilen men Musulman boluşqa qarar berdim ve şahadet éytip Musulman boldum.

Soal: Sizning Islam dinidiki birinçi tesiratliringiz qandak bolğan idi ?
Cavap: Méning birinçi tesiratlirim nahayiti yahşi bolğan. Emma men ularni bir - birlep tesvirlep berelmeymen. Men peqet şunila eytalaymenki: Dunyada tengdaşsiz bir küçke ige pütün kainatning perverdigari bolğan Alla celle calaluhu zati aliliriğa iyman ve şahadet eytip uningğa ulaşqanliqim üçün men özemni dunyadiki eng bay insan dep hesaplaydiğan boldum.Alhamdulillah.

Soal: Ailingizning ve tonuş - bilişliringizning sizning Musulman boluşingizğa bolğan köz qaraşliri qandaq boldi?
Cavab: Deslepte nurğunliri meni sarang bolup qaptu dep oylidi ve manga şundaq köz bilen qaraşti. Méning ata-anilirim ve yéqin tonuşlurum huddi men ölüp ketkendek his qilişti, amma men yenila hayat yaşaverdim. Bu manga nahayiti tes kelgen edi. Amma Allahning hidayiti ve küç - quvvet ata qilişi bilen , barliq işlar asan boldi. Bügün bolsa ata-anam manga bek heyran. Men Canabi Allahning ularning könglige hidayet nurini selip pat yéqindas Islam dini bilen muşerrep bolişini tileymen. Aamin.!

Sual: Siz özingizni başqilarğa musulman dep tonuşturğanda basqilar sizge qandaq qaridi?
Cavap: Méning yurtdaşlirim manga heyran qaldi ve özlirimu Islam dini toğrisida çungqur oylinişqa başlidi. Ularning içide tuyuqsiz bir musulmanning peyda bolup qelişi, ularğa bivaste tesir qilişqa başlidi.
Ular musulman bolmiğan bu dölette Islam dinining nurining peyda bolğanliqini his qilişqa başlidi. Hazir bu dölette çetellik musulmanlarla emes Némis musulmanlirimu kündin künge köpüyüp Nemislar üçün musulmanliq ançe yat tuyulmaydiğan bolup qaldi.

Sual: Siz Islam camaétige kirgendin kéyin özingizni qandaq hisqildingiz ?
Cavap: Men özemni maddi ve menivi cehetlerde dunyada eng bay adem dep his qilimen. Men iman éytip musulman boluştin burun alte kişilik bir ailining ezasi idim. Hazir bolsa Canabi Allah Quranda hitab qilğan " Pütün musulmanlar bir qérindaş " digen emrige asasen özemni milyolarçe musulman qérindaşlirimning içide nahayıtı behitlik his qilimen.

Sual: Siz Germaniyede qançilik Némisning iman éytip musulman bolğanliqini éytip birelemsiz?
Cavap: Némis musulmanliridin tuğulğan balilarning sanila 70 mingdin aşidu, uning üstige neççe on yillardin béri Germaniyede yaşap kelgen inşa Allah, ikki milyonğa yéqin Türk Musulmanliri pat arida Germaniye vetendaşliqiğa ötmekçi, ular bilen musulmanlarning sani Germaniyede közge körinerlik aşidu.

Sual: Siz Yavropada Islam dinining kelgüsige qandaq qaraysiz?
Cavap: Men yuqurida küçlükler bilen acizlar toğrisida éytip ötkinimdek, Yavropa ve pütün dunya aşu yülünişke qarap mangidu. Dunyada yahşiliqni haliğuçi insanlarning hemmisi Allah ve Islam dinige  muhtac. Mana muşu meqsette Yavropaliqlar bundin tehminen ottuz yil burun Yavropağa musulmanlarni élip kelişke başliğan. Eyni vaqitta Yavropaliqlar ularni emgek küçi süpitidila élip kelgen, Musulmanlarmu peqet pul tepiş üçünla kelgen. Emma Allahteala bizni bir birimizge bağlivetti. Hazir Yaqvropada 16 milyon musulman bar. Musulman aililer musulman emes aililerge qariğanda téhminen üç töt hesse çong hisaplanmaqta. Musulman bolmiğan aililerdiki ata-anilar perzendisiz   yaki aile cansani  az bolğaçqa kelgüsidiki qériliq hayatidin qattiq ensirimekte. Hazir ular özlirini aldap pay çéki setiveliş usuli arqiliq pensiye turmuşini qamdaş heqqide ğulğula qilişmaqta. Emma pay çeki bolsa teley sinaydiğan fantanziydinla ibaret halas. Uning üstige pütün dunya miqyasida pay çeki tarqatquçilar her heptisige digüdek bir birdin veyran bolmaqta. Bovamning manga dep berişiçe u yaş vaqtida mingliğan Némislarning özliri algan pay çeklirining bir keçidila quruq qeğezge aylinip, ularning veyran bolup özlirini öltürivalğanliqi heqqide sözlep bergenligi hazirmu hem ésimde turuptu. Uning üstige qériliq yetkende pul, bayliq bolğan bilenmu uning bilen mehri - muhabbetni sétivalğili bolmaydu. Ularning qeriğanda bu bayliqlirini qalduruğqa baliliri bolmisa uning yene nime paydisi bar. Bir tereptin ularning bala tépişqa cürriti yoq, yene bir tereptin qériliq hayatidin ensirimekte. Eger Yavropada musulmanlar bolmisa Yavropa çakçékidin ayrilip ketken bolatti. Bu hil özgürüşni saqlap qeliş üçün biz musulmanlar özimizning ohşimiğan irqta ikenligimizni dilimizdin saqit qilalisaqla, özimizning bir ummet ikenligimizni esimizde çing tutsaqla bu meqsetke yiteleymiz.
Biz musulmanlar musulman bolmiğanlar bilen çiqişip ötelisekla, ularğa musulmandarçiliq heyrihahliqimizni yetküzelisekla biz hemmidin ğalip keleleymiz.
Biz musulman bolmiğanlarğa yaratquçi Allahning heq dinini ve peyğembirimiz Muhammad Sellallahu Eleyhivessalamning güzel ehlaqini özimiz nemune bolğan halda yetküzişimiz lazim.