Yopurğa, Bağraş Nahiyeliridiki Déhqanlarning Döletke Aşliq Sétip Bériş Qizğinliqi Yuquri Bolmaqta

       Ihtiyari muhpirimiz Obul Sabir, Tursuncan Ğopur heviri: Yopurğa, Bağraş Nahiyeliridiki déhqanlar peytni çing tutup, döletke aşliq sétip bériş vezipisini asasi cehettin orundap boldi.
       Yopurğa Nahiyeside bultur térilğan 90 ming mo yerdiki buğdayning qiş ve etiyazdiki pervişi yahşi qilinğanliqtin, buğdaylar obdan ohşap, mol hosul élindi. Nahiyelik aşliq idarisi 23 ming déhqan ailisi bilen 3730 tonna aşliq sétip beriş - sétiveliş tohtami imzalidi ve setivéliş ceryanida aq höccet bermidi. cingda adil bolup, déhqanlar üçün ali mulazimliq qildi. Neticide déhqanlar 6- ayning ahiridin 7- ayning 15- künigiçe döletke 3450 tonna buğday sétip bérip, vezipining 92.5% ini orundap berdi. Aççiq, Siyek, Yekşenbibazar, Térim, Bayavat, yéziliridiki déhqanlar aşliq sétip beriş vezipisini 7- ayning 10- künidin burun 100% orundap boldi.......

Hörmetlik vetendaşlar, biz yuqurqi heverdin Hitay hökimitining Şerqi Türkistan helqige yürgüzivatqan mustemlikilik siyasitining bir eynigini körivalalaymiz. Şerqi Türkistandiki Uygurlarning 80% i Yéza igligi bilen şuğullinidu. Emma Şerqi Türkistan déhqanliri yil boyi yerge bağlinip, Hitay hökimiti üçün aşliq, pahta işlepçiqarğan bolsa yiğimdin kéyin öz mehsulatlirini hökümetke mecburi ötkizişi kérek. Hitay hökimiti pütün memliket miqyasida dihqanlarning öz mahsulatlirini erkin élip- setiş tüzimini yolğa qoyğan bolsimu, emma Şerqi Türkistan dihqanlri bu tüzümdin héçqandaq behriman emes. Uning üstige hökimet déhqanlarning işlepçiqarğan mehsulatlirini pul bilen belki "aq höccet" yeni bir parçe quruq qeğez bilenla talan- tarac qilmaqta. Eger qaysi déhqan buningğa qarşi çiqsa hökümetning aşliq sétip bériş qanuniğa qarşi çiqquçi cinayiti bilen cazalanmaqta.