Buyil 21-Dikabir küni Özbekistanning paytehti Tashkent shehiride, Özbekistan Uyghur medeniyet merkizining uyushturishi bilen, 64 yildin beri sehnidin çüshmey kelivatqan sehne esirimiz "Anarkhan"ning muellipi körinerlik dramatur Jalal Asimovning 90 yilliq tevelludigha beghishlanghan hatire yighin ötküzildi.
Yighingha merhumning 84 yashliq repiqisi Hediyekhan - ana, 5 oghli, 4 qizi, 90din artuq nevre-cevriliri, bashqa medeniyet merkezlirining vekilliri, keng Uyghur jamaetçiligi qatnashti.
    Yighin Özbekistan Uyghur medeniyet merkizining reisi - Tömürhanning nutqi bilen eçild. Ikkinçi bolup sözge çiqqan Özbekistan sen'etshunasliq ilmiy-tetqiqat institutining çong ilmiy hadimi Abliz Hashimov, Jalal Asim haji oghlining ömür bayani toghrisida sözlep uning 1907-yili Yarkent shehiride tughulghanlighi, Almuta, Osh, Qoqend, enjan sheherliride - dramatur, rejissor, kompozitor ve aktyor supitide elip barghan paaliyetliri toghrisida keng dairide tohtaldi.Uningdin keyin arqa - arqidin sözge çiqqan Özbekistan medeniyet vezirligining muavin veziri Abduqunduzov Muhemmet Ali, Shaire Munajethan Qoshqarova, Tashkent Uyghur aqsaqalliri yighinining bashlighi Hudabergen Helyemov, Uyghurlardin çiqqan yalghuz akademik, Özbekistan penler akademiyesining meheynika sahasida dangliq Yarmuhemmet Mubarekov, Tashkenttiki Gruziye elçihanisining vekili ve bashqa yoldashlar tebrik sözlirini eytip ötüshti. Yighin Tashkenttiki Uygur ansambulining konserti bilen ayaqlashti.