1997-Yili Qeshqer Rayonida Bolghan Bezi Veqeler
1997- yili 15- Noyabir öz muhbirimiz Bürküt hewiri
| 1997-yil 9-ayning 15-küni Sherqiy Türkistanning Yerken wilayitide
pütün ishçi - hizmetçiler, oqughuçilar we dehqanlarni mejburi toplap, tehminen 50,000
kishilik oçuq sot eçip 2 kishige ölüm jazasi berildi, 5 kishining aldigha 2 yil,
keçiktürüp ölüm jazasi, ahirigha 15 yildin qamaq jazasi berildi.
Buning asasi sewebi: "1995-yildin bashlap Yerken tashqi soda kino qoyush zalini partlitish, sehiye nazaritining mashinisini içidiki ademliri bilen qoshup partlitish, Awat Tomösteng yezilirida 6 aililik Hitayni öltürüsh we Badashniq yezisida yerasti qoralliq teshkilat qurush qatarliq ishlirigha qomandanliq qilghuçilar we bu ishlargha qatnashquçilar " dep eyiplengen. Bularning çongi 25 yash, kiçigi 16 yash. 1997-yil 8-ayning otturlirida Poskamning bir yezisida bir mehelle mesjidning imamining öyidin 2 tonnnigha yeqin partiliguç dorisi çiqqan. Yene shu yezining 2 - bir mehellidin heçqandaq egi-çaqisiz tul bir ayalning öyidin hazirqi zaman ilghar tiptiki qoraldin 60 dane qolgha çüshüp qalghan. Bu munasiwet bilen birge shu imamda oquwatqan taliplardin 15 balini qolgha alghan. Imamni bu nersiler togurluq qattiq qiyin qistaqqa alghan bolsimu, heç ishni öz üstige almighan. Qolgha elinghan taliplardin 3 bala bularni tutqili kelgen Hitay eskerliri bilen qattiq etishqan. Hitay eskerliri köp bolghanliqtin yarlinip qolgha çüshüp qalghan. Bularning biri Yerken Aq tamdin, yene biri Yerken Köybaghdin, yene biri Hotendin bolup, bularning hayatining qandaq bolghanliqi namelum. |