Ibadet Besim Bilen Emes, Ihlas Bilen Bolidu

1997 - yili 13 Noyabir öz muhbirimiz Bürküt hewiri

Yeqinda Qeshqer shehride "Qizil imamlar"ning arqisida turup namaz oqushni halimighan Uygur yashliri, Hitay saqçiliri teripidin tutup ketildi. Mumkin qeder " Qizil imamlar"ning aldida yaki keynide mesjitke kirip namaz oqup yürgen yashlardin 15 balini, Qizl imam Memtimin Qari Haji, 1- Noyabir küni Heytgah mesjitide, öz qol çumaqliri bilen mesjit qorasigha soliwelip, saqçilargha tutup berdi. Yuqirqidek " Qizil Imamlar " ning Dinni burmilap mesjidlerde Hitay siyasitini teshwiq qilishi tüpeylidin, Heytgah mesjidining hatibi Harunhan Haji 1996 - yili Mayis eyida 16 yerige piçaq selinip, bir quliqi kesip tashlanghan idi." Qizil mollilar " hazirghiçe bu ishdin sawaq almidi. Mushu ayning bashlirida Qeshqer shehride idare kan - karhanilardin 4000 ge yeqin ishçi hizmetçilerni pinsiyege çiqirip, ularning ornigha ishkirdin çiqqan qaranopus Hitaylarni orunlashturghan. Ishençilik hewerlerge asasen buningdin birhepte ilgiri Hitay hökümiti Sherqiy Türkistanning jenubi yeni Qeshqer Rayunigha 20,000 etrapida esker, top - zembirek yötkigen.