"Komunizmning Qara Kitabi" Degen eserde , Komunizmning 20- esirde Jemi 100 Milyon Kishining Jenigha Zamin Bolghanliqi Ilgiri Sürüldi. Kitapning Yazghuçisi Stephane Courtois, Komunizmning Nashistsizmni Bir Munçe Jehettin Eship Ketken Bir Terorluq Tüzümi Ikenlikini Ispatlidi

Paris- Bir gurup Fransuz tarihçining Oktebir Inqilabining 80 - yilliq hatire küni munasiwiti bilen neshir qilghan "Komunizmning Qara Kitabi" namliq esiride, komunizmning 20- esir içide Hitayda 65 milyon, Rusiyede 20 milyon, Kambodjada 2 milyon, Koriyide 2 milyon, Vetnamda 1 milyon, Sherqiy Yavrupada 1 milyon, Afriqida 1.7 milyon, Latin Amerikida 150 ming bolup 85-100 milyon kishining jenigha zamin bolghanliqi ilgiri sürüldi. Kitabning yazghuçisi Stephane Courtois kirish sozde komunizmning Nashistsizmni bir munçe jehettin eship ketken bir terorluk tuzumi ikenlikini pashqildi.

Künimizdiki hör dunyada komunizmning we nasyonal sosyalizm (Gitler idiyisi) ning heç qandaq dölet we memliket üçün qutulush retsipi bolalmaydighanliqining otturigha ciqqanliqini bildurgen eserde tuwendikidek qarashlar bar:

"Ishçilirige fabrika we bashqa sanaet karhaniliri, dihanlirigha yeterlik yer, memliketke tinçliq, horiyet we yuqiri turmush sewyisi beridighanliqigha wede qilghan komunist rehberliki arqisida yoqsulluq, ishsizlik, kisellik, qan we közyeshidin bashqa bir nerse qaldurmighan. Alditilghan milyonlarçe insan palaketke uçrighan. 1927-yildin 1939- yilgha qeder yalghuz Rusiyide 17 milyon insan sewepsiz halda bikardin bikargha yoqitilghan. Sherqiy Yavrupa döletliridimu minglarçe insan tankilarning astida can bergen. Komunizm dihanlargha we ishçilargha nahayiti köp nerse beridighanliqini wede qilghanda nadan kallisi bilen jennet turmushigha erishimiz dep oylighanlar talay yillardin keyin komunizmning hususi mulukke qarshi ikenlikini, diktator idarisining zulumini, dingha bolghan düshmenlikini, pütün emgekçilerning ishi dep bir tayaqta heydelgenlikini we yoqsullukta teng baraber degen pikrini çüshineligen. Bu seweptin, insanlarni maddigha, nepisning arzulirigha itergen, dindin imandin hewersiz qoyup hayvanlargha ohshash qursaq toyghuzush üçün ishletken o diktator idaridin qutulushning çarilirini istigen. Ahirida uzaq yillar komunist idare astida yashighan Sovet Ittipaqi, tömür perde döletleri we bashqa komunist döletlerning helqliri isyan kötürüp komunist idarilirige bir birlep hatime berishke we 1990- yildin itibaren bu döletlerde demokratiyini qurushqa bashlidi.

1980 - yillarning ahirighiçilik insanlargha huquq we horiyetlirini dawamliq bergen döletlerge hur dunya, bermigen döletlerge tömür perde döletleri dep atalmaqta idi. Rusiyining bashlamçiliqidiki komunizm bilen idare qiliniwatqan tömür perde döletliride yashighan insanlar nurghun asasiy huquq we hurriyetlerdin mahrum qaldurulghan idi. 1991- yildin keyin Hitay we Kubadin bashqa pütün tömür perde döletliri komunizmni tashlap hurriyetni talliwaldi.