Amerikida Namayishçilar Hitay Raisi Jiang Zeminni Aram Aldurmidi

1. Gulemittin Pahta bashçiliqida Amerikidiki Sherqiy Türkistanliqlar Amerika Parlementige Sherqiy Türkistanning hazirqi ehweli toghrisida hewer berdi. Buning netijiside, Parlement Sherqiy Türkistan toghrisida bir höjjet qiqardi. Bu höjjette 'Sherqiy Türkistan' we 'Uygur' degen atalghularni qollunup Hitayning Uygurlargha qiliwatqan zulimini eyiplep, Hitayning Sherqiy Türkistanda insan hoqoqugha hilap siyasitini tekshürüsh elip berishni qarar qildi.

2. Helqara Köçürüm Teshkilatining Amerikidiki shöbisi Xinjiang musulmanliri degen mewzuda Amerika hökümitige Sherqiy Türkistanning hazirqi ehweli toghrisida dokilat berip, Hitay hökümitining Sherqiy Türkistanda elip beriwatqan zulum siyasitini eyiplidi.

3. Sherqiy Türkistan Tetqiqet Merkizi, Sherqiy Türkistan Azatliq Merkizi we Teklimakan Insan Hoqoqi Jemiyiti birlikte 29 - Öktebir küni Washingtonda Jiang Zeminge we Hitay hökümitige qarshi namayish ötküzdi. Bu namayish Aqsaray aldida we Hitay elçihanisi aldida elip berildi.

Gulamittin, Ablajan we eniwer qatarliq üç jemiyetning reyisliri Hitay reyisi Jiang Zeninge birlikte "Oçuq Het" sundi. Bu oçuq het Amerika Parlamenti, telewizyon we gezit muhbirlirigimu berildi, shuning bilen bir waqitta bu oçuq het Hitaydin kelgen gezit we telewizyon muhbirlirigimu Hitayçe terjime qilinip tarqitildi. Bu 'Oçuq Hette' Hitayning Sherqiy Türkistanda yürgüziwatqan zomigerlik siyasiti eyiplinip,Hitayning Sherqiy Türkistandin çiqip ketishi telep qilinghan.

4. Jiang Zemin Amerikidiki ziyeritide, her küni, her jayda Hitaygha qarshi namayishlargha uçrap turdi. Bu namayishlar Uygurlar, Tibetlikler, Hitay Demokratçilar, Taywenlikler we Amerikiliq doslar teripidin elipberildi. Jieng Amerikidiki 8 künlük ziyaritide, "Musteqil bolsun Sherqiy Türkistan! ", "Musteqil bolsun Tibet!", "Musteqil bolsun Taiwen!", "Musteqil bolsun Mongul!" degen sözlerni anglashqa mejbur boldi.