("Uçqun" gezitining mesuli we bash tehriri )

Apturning ilawisi: Hörmetlik wetendashlar, töwende diqqitinglargha sunmaqçi bolghinimiz, merkizi orgini Germaniyening Münçen shehiridiki "Sherqiy Türkistan Informatsiyon Merkizi" teripidin qolgha çüshürülgen atalmish "Aptonom rayonluq partikom"ning sekritari Wang Leçüenning 12 – ayning 17 – küni Hotende qilghan mehpi doklatigha qarita yézilghan tenqidi mulahizidin ibaret. Kommunist Hitay hakimiyitining Sherqiy Türkistandiki bash wekili Wang Leçüenning intayin mehpi sözlirining toluq tekistining "Sherqiy Türkistan Informatsiyon Merkizi" teripidin qolgha çüshürülgenliki, weten sirtida paaliyet élip bériwatqan teshkilatlirimizning alaqe – uçur we ahbarat hizmiti jehette 50 yildin buyan qolgha keltürülgen eng zor muwapiqiyetlirining biri hisaplinidu. Çünki, wetende yüz bergen siyasi hadisilerdin waqtida hewer tapalmasliq we kommunist Hitay hakimiyitining Sherqiy Türkistan helqighe qarita yürgüziwatqan zulum we bésim siyasitini dunya jamaetçiliki aldida pash qillalaydighan qimmetke ige ishençilik içki höjjet –matiriyallardin yoqsul qélish – yerim esirdin buyan weten sirtida élip bériliwatqan milli mujadilimizning eng asasliq boshluqlirining biri idi. Janabi Allahning yardimi, weten içi we sirtidiki wetenperwer zatlirimizning tirishçanliqi bilen bügün bu boshluq asta – asta tolushqa bashlimaqta, "Sherqiy Türkistan Informatsiyon Merkiz"ning yuqarqi muwapiqiyiti buni toluq ispatlap turmaqta. Mahtashqa erziydighini shuki, mushu kéyinki bir – ikki ay içidila Abdujélil Qaraqash riyasetçilikidiki "Sherqiy Türkistan Informatsiyon merkizi" yene Ili, Hoten rayonlirining nöwettiki siyasi weziyitige munasiwetlik hökümetning bir qançe intayin mehpi höjjet we doklatlirini, sot mehkimilirining hökümnamilirini we bashqa intayin qimmetlik höjjet – matiriyallarni qolgha çüshürdi, bu matiriyallar Sherqiy Türkistan dawasini dunya jamaetçilikige anglitishta intayin muhim ehmiyetke ige, shunga bu munasiwet bilen "Sherqiy Türkistan Informatsiyon Merkizi"ning reisi Abdujélil Qaraqash ependige we hayatining heyim – heterge uçrishigha qarimay bu yolda mujadile qiliwatqan weten içidiki ezimetlirimizge teshekkür éytimiz we janabi Allahdin ulargha tehimu zor muwapiyetler tileymiz! Rehibbimiz ulardin razi bolghay, Amin!

Töwendiki siyasi mulahize subiktip hésiyattin hali halda diyaliktikilik nuqtinezer boyiçe yézip çiqildi, wetendashlirimizning tenqidi – pikir bérishini ümit qilimen.