"Sherqiy Türkistan Imformatsiyon Merkizi"ning wetendin biwaste bergen alghan hewirige asaslanghanda, 99-yili 11-aydin etiwaren Sherqiy Türkistandiki Hitay dairliri Uygurlarning Ömür Haji qilishini tosash üçün bir qatar çeklesh tedbirlirini yolgha qoyghan. Ömür Haji qilish peslining yetip kélishi bilen teng, Hitay hökümiti içki jehette Uygurlargha pasport ishlep bérishni asasiy jehettin tohtitish bilen birge, tashqi jehette Seudi Erebistan hökümiti bilen pirinsip jehettin englashma tüzüp, Sherqiy Türkistan bilen hoshna bolghan Pakistan, Kazakistan, Kirghizistan, Türkiyediki Seudi Erabistan elçilirining Uygurlargha viza bermeslikini qolgha keltürgen. Bu seweptin, Pakistan, Kazakistan, Kirghizistan, Türkiye qatarliq ellerge tuqqan yoqlash we sayahet qilish bahanisida Ömür Haji qilghuçilargha shu döwletlerdiki Seudi Erabistan elçihaniliri,"Beijingdiki elçihanidin élinglar"dep sewep körzütüp viza bérishni ret qilghaçqa, ming bir japada bu döletlerge çiqqan Uygurlar nailaj yene qaytip kélip, Beijingdiki Seudi Erebistan elçihanisigha bérishqa mejbur bolghan. Bu seweptin, hazir Beijingda viza kütüp turiwatqan Uygurlarning sani 400din eship ketken. Beijingdiki herqaysi mehmanhanilar we yataqlar Uygurlarni qobul qilishni ret qilip kelgeçke, bu biçare Uygurlar qehritan soghaqta yatidighan yer tapalmay, tala-tüzlerde yetip-qopushqa mejbur bolghan, beziliri bolsa Beijingdiki Hitay puhralirinig kömürhana we yer asti iskilatlirini qimmet bahada ijarige élip yetishqa mejbur bolghan we bu jeryanda iqtizadiy jehettin qattiq weyrançiliqqa uçrighan.

Hörmetlik wetendashlar, sizlerge melüm bolsa kerek, kommunist Hitay hakimiyitining rehimsiz siyasiti tüpeylidin, her yili Ömür Haji we Haj peslide Sherqiy Türkistan musulmanliri eghir horluqlargha we pütmes-tügimes balayi-apetlerge duçar bolmaqta.ötken yili Haj qilish harpisidimu Beijing shehride bir qançe Uygur boway Hitaylarning mehmanhanilirigha qobul qilmasliqi tüpeylidin yatidighan yer tapalmay, qehritan soghuqta talada qélip tonglap ölgen idi. insha allah bu yil janabi allah Sherqiy Türkistan musulmanlirini bundaq balayi-qazalardin hali qilar!

Yuqarqi weqelerdin biz shuni çongqur çüshinip yetishimiz kerekki, Sherqiy Türkistan musulmanliri wetensizliktin, munqezliktin qurtulmighiçe, bu hil horluq we külpetlerdin ebediy hali bolalmaydu!