Öz hewirimiz: yéqinqi mezgillerdin buyan Hoten rayonida koça tamlirigha her hepte digüdek yengi – yengi tutush buyruqliri çaplinidighan ehwallar adettiki ishqa aylinip qaldi. 99 – yili 7 – aydin buyan Hoten rayonida siyasi weziyetning jiddilishishigha egiship, Hitay hökümiti her hepte digüdek 10 lap kishi heqqide tutush buyruqi tarqitishni izçil halda dawamlashturup kelgen we bu jeryanda köpligen Uygur yashlar arqa – arqidin qolgha élinip türmilerge tashlanghan idi. yéqinda Hoten sheherlik jamaet hewipsizlik idarisi yene 12 Uygur yaah heqqide tutush buyruqi çiqirip tarqatqan.

Merkizi orgini Germaniyening Münçen shehiridiki Sherqiy Türkistan Informatsiyon Merkizi yéqinda Hoten sheherlik jamaet hewipsizlik idarisi teripidin yegnidin tarqitilghan bu tutush buyruqining bir nushisini qolgha çüshürdi. Mezkur tutush buyruqigha, Tursuntohti Abdurehim, Hojabdulla Hoja Ehmet, Muhter Ibiyla, Éli Ghujahmet, Tursun Baqi Abdugheni, Éli Abla, Rozi Memet Ehmetniyaz, Ömer Bekri, Memtimin Jamal, Memtimin Bekri, Mettursun Iminniyaz, Abdulla Bekri qatarliq 12 neper Uygur yashning resmi çüshürülgen bolup uningda bu yashlarning isim – familisi, yeshi teqi – turqi, boyi, adresi qatarliqlar yer alghan hemde ular Hitay hökümiti teripidin, "Döletning biheterlikige ziyan yetküzgen we zorawan teroristik heriketler bilen shughullanghan" dep eyiplengen.

"Sherqiy Türkistan Informatsiyon Merkizi"ning 1 – ayning 9 – küni wetendin biwaste alghan melumatigha asaslanghanda, Hoten sheherlik jamaet hewipsizlik idarisining yengi tutush buzruqida yer alghan Memtimin Bekri, Memtimin Jamal qatarliq 2 neper yash Hotende melum bir öyde yoshurunup yatqanda bashqilarning çeqip qoyishi bilen ashkarilinip qalghan, Hitay sahçiliri ular turghan öyni qalaymiqan oq yamghurigha tutqan, netijide Memtimin Bekri bilen Memtimin Jamalning bedinige 17 pay oq tegip, neq meyda qehrimanlarçe shehit bolghan. Gerçe Hitay saqçiliri qalghan 10 neper Uygur yashni qolgha shüshürüsh üçün Hoten rayoni boyiçe öymu – öy ahturush élip barghan bolsimu, emma 1 – ayning 10 künige qeder ularning heçqandaq iz – derikini qilalmighan.

Hoten rayonidin kelgen hewerlerge, Hotendiki hökümet organliri, "Milliy Bölgünçilerni öyide saqlighanlarni we milliy bölgünçilerge hesdashliq qilghanlarni özdin meujburi köçürüp, öyni tüzliwetish, mal – mülkini musadire qilish we mejburi boz yer açturushqa sélish" heqqide alahide uhturush tarqatqan we bu siyasitini 99 – yili 8 – aydin etibaren ijra qilishqa bashlighan.

1 ) Éli Abla, 24 yash, Hoten shehiri Shorbagh yezisidin
2 ) Tursunbaqi Abddugheni, 28 yash, Hoten shehiride Laskuy baziridin.
3 ) Éli Ghujahmet, 23, yash, Hoten shehri Shorbagh yezisidin.
4 ) Muhtar Eybiyla, 21yash, Hoten shehiri Laskuy baziridin.
5 ) Ghujiabdulla Ghujiehmet, 26 yash, Hoten shehiri Shorbagh yezisidin.
6 ) Tursuntohti Abdurehim, 26 yash, Hoten shehiri Lskuy baziridin.
7 ) Abdulla Bekri, 26 yash, Hoten shehri Laskuy baziridin.
8 ) Mettursun Iminniyaz, 33 yash, Hoten shehiri Laskuy baziridin.
9 ) Memtimin Jamal, 21 yash, Hoten shehri Nawagh yezisidin, u Hitay hökümitining tutush buyruqida, "Partilitish eslihéliri yasash, zorawanliq teroristik heriketler bilen shughullanghan" dep eyiplengen bolup, yéqinda Hitay saqçilirining qorshawigha çüshüp qélip, düshmenge qarshi baturlarçe jeng qilip sehit boldi.
10 ) Memtimin bekri, 24 yash, Hoten shehiri Laskuy baziridin, omu Memtimin Jamal bilen birge Hitay saqçilirining qorshawigha çüshüp qélip, düshmenge qarshi baturlarçe jeng qilip shehit boldi.
11 ) Ömer Bekri, 22 yash, Hoten shehiri Gujanbagh yezisidin.
12 ) Rozi Memet Ehmetniyaz 24 yash, Hoten shehiri Laskuy baziridin.