Qirgizstan Soti Üç Uygur Yaşqa Éğir Qamaq
Jazasi Höküm Qildi
Öz muhbirimiz Uygur Ariyani'ning 30 noyabir hewiri
26-noyabir küni, Qirgizstan Bishkek şeherlik sot mehkimisi Qeyserjan Jalal (esli
ismi Ubulqasim) Muhemmet Tohtiniyaz, Ablimit Kerim qatarliq üç neper Uygur
yaşni merhum Neğmet Hajining hayatiğa suyqest uyuşturuş, Hitay
diplomatlirini öltürüş, Şerqiy Turkistan azatliq teşkilatining şöbisini
quruş,Qirgizstan zéminida turup Hitayğa qarşi teror herketler bilen
şuğullunuş ve qanunsiz yalğan pasport teyyarlaş eyipliri bilen ularni ayrim
ayrim halda 30 yilliq, 18 yiliq ve 15 yilliq qamaq jazasiğa höküm qildi.
Bular eslide 90 - yillarning ahirqi mezgilliride vetendin çiqip,
Qirğizstabda vaqitliq panalivatqan Şerqi Türkistanliq siyasi musapirlar idi.
Ularning içidiki eng éğir jaza bérilgen Qeyserjan Jajal esli 1998 yili
Qirğzistan saqçi dairliri teripidin qolğa élinip siyasi eyipler bilen sotqa
tartilğan ve ahiri 14 yilliq qamaj jazasiğa höküm qilinğan idi.
Bu yil 8- ayda uning üstidin qaytidin sot qiliş başlandi ve ilgirki
jinayetlirrining üstige Turmide jaza mudditini ötevitip, Niğmet Hajining
hayatiğa suyqest uyuşturğan dégen eyip yüklendi. Gerçe Qeyserjan Jalal özige
qoyulğan eyiplerni baştin ahir ret qilğan, advokat ve guvaçilar Qeyserjan
Jalaning Niğmet Hajimning qestke uçraş veqesi bilen qilçe alaqisi yoqliğini
tekrar ispatliğan bolsimu sot uning üstidiki eyipleşlerni bikar qilmidi ve
uningğa ilgiri berilgen 14 yilliq jaza mudditini küçke ige qilğanning ustige
yene 30 yilliq qamaq jazasi höküm qildi. Bu yil etiyazda, Qirgzstan Osh
oblastliq sot Esqer Tohti, Ehmet Günen qatarliq 4 Uygur yaş üstidin Oş
şeherlik sot ularni eyipsiz dep çiqarğan sot hökümini tuyuqsiz emeldin
qaldurup, ular ustidin qayta sot açqan, ulardin uçige ölum jazasi birsige 25
yilliq qamaq jazasi bergen idi.
90 yillarning béşida Ottura Asiyadiki yégane Demgratiye Arili dep
teriplengen Qirğizstanda, 90- yillarning ahirliriğa kelip, bu dölette
panahlinip turğan Uygur siyasi musapirlarni haliğançe tutuş, Hitay
hökümitige tapşurup beriş, türlük siyasi eyibler bilen özi çiqarğan sot
hökümini yene özliri emeldin qaldurup, qaytidin éğirlitip jaza beriştek
ğeyri insani ve adeletsiz qilmişi téz-téz sadir buluşqa başlidi. Qirğzstanda
bu hil selbi veziyetning şekillinişide, Hitayning bu döletke çüşergen
siyasii besiminig muhim sevep ikenligini hemme kişi bilidu. Lékin, kişini
éçinduridiğini, Qirgizstan saqçi, sot ve içki biheterlik tarmaqlirining,
Hitay hökümitidin pul ündürüş üçün Uygur siyasi musapirlarni resmi kozur
süpitide qollunivatqanliqi aşkara bolmaqta!
