Hitay Hökümiti Pasport Béjiriş Ve Çégridin
Kirip Çiqiş Işliri Boyiçe Yéngi Belgülime Çiqardi
Öz muhbirimiz Uygur Ariyani'ning 30 noyabir hewiri
Hitay ahbarat torida yéqinda elan qilinğan heverler ve vetendin kelgen
inkaslarğa asaslanğanda, Hitay hökümiti, bu qétim dunya soda teşkilatiğa eza
bulup kirgenliki seveblik buningdin kéyinki yéngi veziyetke maslişiş üçün,
Hitay grajdanlirining pasport bijiriş ve çetelge çiqip kiriş işlirini
asanlaşturuş boyiçe bir qatar yéngi belgülimilerni élan qilğan. Uningda
asasliqi, grajdanliq yéşiğa toşqan her qandaq bir Hitay puhrasining istigen
peytte pasport alsa bolidiğanliqini, pasport 15 iş küni vaqtida işlinip
buluş kerekligi, çetelge tunji çiqquçilarning pasportidiki çégradin tunji
çiqiş kartisining bikar qilinidiğanliqi, çegradin kirip- çiqiş
resmiyetliining addilaşturulidiğanliqi qatarliq 6 turluk yéngi belgulime
çiqarğan. Bu heqtiki hever telivizorda körsitilip, metbuatlarda élan
qilinğandin keyin, veten içi ve sirtidiki köpçilik Uygurlar buni çong
yéngiliq hés qilişqan ve qizğin qarşilağan.
Hemmizge melum bolğinidek, Uygurlarğa veten içide Hitay hökümiti bu sahe
boyiçe alahide siyaset yürgüzüp Uygurlarning pasport éliş ve çetelge çiqiş
kiriş işini birmunçe qiyinlaşturup Uygurlani mumkin qeder çetelge
çiqarğuzmasliqqa urunup keldi. Eger bu qétim élan qilinğan belgülimiler
rastinla heqiqi ijra bolidiğan bolsa, pasport éliş ve çetelge çiqiş işliri
köp asanlişidu, téhimu köprek Uygur çetelge çiqip taşqi dunya bilen uçrişiş
pursitige ige bolidu. Lékin köpçilik kişiler, bu yéngi belgulimilerning
Uygur rayonida rastinla eynen ijra bulisiğa guman bilen qarimaqta. Sevebi,
Hitay hökümiti ezeldin, içkiri Hitayda bir hil Uygur rayonida bir hil, Uygur
rayoninig özide hem, Hitaylarğa bir hil Uygurlarğa bir hil siyaset yürgüzüp
keldi. Merkezdin bir tutaş çiqirilğan belgülimiler Uygur rayoniğa kéliş
bilen başqiçe tüs élip alahide <yerlik siyaset>ke özgirip ketti.
Mesilen, bu qétimqi yéngi belgilime çiqiştin ilgirimu Hitaylarning pasport
élişi Uygurlarğa qariğanda köp asan idi.
