|
Awustraliye NSW Şerqiy Türkistan Jemiyiti Reisi Hem Awustraliye Şerqiy
Türkistan Jemiyitining Pehri Reisi Ehmet Igemberdining Teziyesi
200 - yili 9- Noyaber, keç saet 7 din aşqanda
Türkiye paytehti Ankara şehiride Şerqiy Türkista(Uyguristan) Milliy
qurultayi meslihet kingişi reisi, Şerqiy Türkistan Azatliq herikitinin
pişiwaliridin biri, Atagliq jamaet erbabi we meşhur Uyygur tarihçisi Haji
Yaqub Yusupning yürek kiselliki bilen tuyuqsiz wapat bolganliqidin égir
musibet, aççiq qaygu – elem içide hewer taptuq.
Şu munasiwet bilen sehsen özüm, Awustraliyede yaşawatqan uning wetendaşliri
bu ornini toldurup bolmaydigan çong yoqutuş hem cudaliq künliride Haji Yaqub
akining aile – tawabiati, uruq – tugqan – eqribaliri, bir ömür çin qelbidin
söygen Şeherqiy Türkistan helqidin alahide köngül sorap, çin, semimiy
teziyemizni bildürimiz.
Uygur helqining söyümlük ogli haji Yaqubning pütün umidi Uygur helqining
yéqinqi zamanlardiki pajielik teğdiri, köriwatqan azab – uqubetliri hem
kiliçekke bolgan uluq arzu – armanliri bilen çemberçes bağlangan bolup,
1939- yilidila yaş Haji Yaqub Şerqiy Türkistan helqining eşeddiy düşmini
jallat Şingşisey terepidin Hotende “Yaponye jasosi” digen töhmet bilen
qolga élinip turmige taşlangan bolsa, Şerqiy Türkistanni Maoçi kommunistlar
1949 – yili işgal qilgandin kéyinmu, “panturkist” “panislamist” qalpaqliri
bilen türmige taşlinip, taki 1970 – yillartning ahilirigice dawamliq halda
türmilerde, jaza lagirlirida dehşetlik hayat dawanliridin ötti.
Uning 81 yilliq hayatining eng güzel, bekmu qimmetlik waqitliri kommunist
Hitay basqunçilirining qanliq zindanlirida ğazang qilindi. Şerqiy Türkistan
tarihidiki uluq mujahid Abliz Mehsumdin qalsila, Haji Yaqub Uygurlar içide
Eng uzun turmide yatqan ustazlardin hisablinidu.
U turmilerdin çiqipmu kommunist Hitay basqunçilirining siyasiy teqib, maddiy
–meniwiy jehettiki bésim we ziyankeşlikliridin qutulalmay, uningdin qattiq
bizar bolgan Haji Yaqub aka, 1996 – yili yoşurun halda wetendin çiqip,
Türkiye tarih tetqiqat ornida tetqiqatçi hem terjiman bolup, özining
inqilabiy, ilmi maqaliiliri hem tarih jehettiki qimmetlik töhpiler qoşti.
Uning weten – millet dawasi yolidiki bu isil emgekliri helqimiz qelbide
mengu untulmay, ewlattin – ewlatlarga miras bolup qalgusi.
Téhi yéqindila Biligiye Biroksil şehri Yawropa parlamintida Şerqiy Türkistan
konpirensiyesi hem 3 – qétimliq Şerqiy Türkistan (Uyguristan) milli
qurultiyida ustaz Haji Yaqubning Yawropa parlaminti munbiridin Uygur helqi
namidin uning derdini yiglap, helqining arzu – armanlirini dunya
jamaetcilikige anglatqan jesur awazi qoliqimizda yangrap turuptu.
Elwida, ey hörmetlik ustaz! Elwida!… Janabi Allah sizge imaningizni yoldaş
qilip jayingizni pirdawsi jennettin qilsun, qalgan wetandaşliringiz sizge
ömür boyi teşna bolup telmurup, zarqip kütken ulug tengri tagliri üstide
parlap yanğusi horilik, adalet, musteqilliq quyaşini tiz pursetler içide
körüşke uluq Allah nesib qilsun, ilahim , amin!
Çonqur hörmet we teziyelirim bilen ,
Ehmet Igemberdi
2001 – yili 10 – noyabir (şenbe)
Australiye Sydney |
