|
Şerqiy Türkistandiki Basturuş Heriketliri Davam Qilmaqta
Bu yil 4-ayda Hitay hökümiti Şerqiy Türkistanda, Uygur milli musteqilliq küçlirini basturuşni meqset qilğan “qattiq zerbe bériş” herkiti başlidi.
4-ayning ahiridin 5-ayning ahiriğiçe bolğan 1-basquçluq herkette, Şerqiy Türkistan boyiçe beş mingğa yéqin Uygur “milli bolgonçi” “qanunsiz diniy unsur” ve “terorist” digendek siyasi böhtanlar bilen qolğa élinip, ulardin 500 din artuq kişige türlük éğir qamaq jazasi,100 din köprek kişige ölum jazasi bérilgenligi heqqide merkizimiz öz vaqtida etrapliq heverler tarqatqan idi.
7-aydin başlap, ikkinçi basquçluq “heriket” başlinip, bigunah Uygurlar üstidin guman asasida tutuş buyruği çiqiriş ve keng kölemde ahturup tutuş işliri izçil davam qilmaqta.
Mesilen, informatsiyon merkizimizning vetendin biwaste alğan melumatiğa asaslanğanda, Bortala oblastida 7-ayning 11-künidin 9 - ayning 10 - künigiçe bolğan ikki ay davamida, qéçip yürgen 111 neper gumanliq kişi qolğa élinğan.
Körla rayonida 51 adem tutulğan bolup, bulardin ikki nepiri, aptonum rayonluq jamaet hevpsizlik nazariti teripidin tutuş buyruği çiqirilğan kişi iken. Bulardin başqa yene Şerqiy Türkistanning Aqsu, Qeşqer, Hoten, Ili qatarliq rayonliridimu, aptonum rayon, vilayet ve nahiye derijiside tutuş buyruği çiqirilğan 75 neper kişi tutulğan bolup, bu qétimqi tutuş herketliri üçün peqet Körla ve Bortala saqçi dairlirila 500 ming yuen Hitay puli serp qilğan. 400 qétimdin artuq saqçi ve jandarma küçlirini işqa salğan. |
