|
Amerikiğa Qilinğan Terorluq Hem Uygurlar
(Adil Muhanmet kali)
9- ayning 11- küni bir qisim telwilikte uçiğa çiqqan teroristlar Newyork sheherdiki dunya soda merkizi bilen Washingtondiki Amerika mudapie ministirlikining binaliriğa wehshilerçe hujum qilip, mingliğan biguna insanlarning jéniğa zamin boldi. Insan qélipidin çiqqan bu yawuzluq herketni, dunya memliketliri hem dunya epkar ammisi qattiq eyiplep, Amerika hökümitining bu qatillarğa, qatillarğa yantayaq bolup, ularğa panahliq bergen qara küçlerge qattiq zerbe bérishni telep qiliwatidu.
Gerçe Beijing hökümiti ağzida bu terorluqqa éçinip, teziye bildürgendek qilsimu, Amerika we dunya memliketlirining Usame Binladindek helqaraliq téroristqa bashpana bolğan Taliban hökümitige herbi herket yürgüzüshke kelgende özining Amerika, erkin dunya memliketliri we Uygurlarğa qarshi rezil ğerizini yoshurup qalaliğini yoq.
18- sintebir küni Hitay tashqi ishlar ministirligining bayanatçisi Zhu Bang Zao : <Amerika Afğanistanğa herbi heriket yürgüzüshni B.D.T ning testiqidin ötküzüshi kirek, Hitay B.D.T daimi kométitining ezasi, Hitayning ret qilish hoquqi bar, Amerika Hitayning Xinjiangdiki musulmanlarni basturushni çüshünishini we qobul qilishi lazim, bizning Amerikining herbi herikitini qollash üçün qoyidiğan shertimiz shu > dise, shuningğa ulapla Hitayning Amerikidiki elçihanisinig diniy ishlar bölümining muawini Hi Yashi Fi Uygurlar heqqide sözlep : < bu rayunda birmunçe bomba partlash weqesi yüz bergen, bu bir térorluq heriket bolup, Hitay bundaq térorluq heriketning qurbani, dep qaraymiz, bu térorçilarning keynide kim barliğini tekshürimiz> didi. Bu sözliri bilen kommunist Hitay hökümranliri özlirining Bin Ladindek téroristlarni qollap, birtereptin Amerika we Amerika bashçiliğidiki erkin dunya memliketlirining, dunya dimokratiyésining düshmini ikenlikini pash qilsa, zene bitereptin téroristlarni Uygurlarğa çaplap yoq yerdin tük ündürüp, Uygur helqiğe töhmet qildi.
1949 –yilining ahiri Sherqiy Türkistanni qanunsiz bésiwalğan Beijing hökümranliri Uygur helqining pütün siyasiy, iqtisadiy, ijtimaiy we medeni hoquqlirini tartiwalğandin sirt, Uygurlarni yoqitish üçün döwlet téror siyasitini yürgüzüp kiliwatqanliqi pütün dunyağa ayan. Yiraqtin emes yéqindin, hemmisini emes, azrağini sözleydiğan bolsaq, 1990 – yili april Barinda, 1995 – yili 7- eyulde Hotende, 1997- yili 5- 6- piwrallarda Ğuljida qolida tömürning sunuqi bolmiğan, peqetla özlirining tuğulğan ana wetenliride demokratik, erkinlik, insanliq hoquqlirini ténç yol bilen telep qilip çiqqan mingliğan, onmingliğan namayishçilarni qirip öltürüp, koçilarda deryalap qan aqquzqan Hitayning atalmish azatliq armiyesi idi. Uygurlarning qorali yoq, armiyesi yoq, turmisi yoq, uning eksiçe, Sherqiy Türkistanda çish bilen tirniqigiçe qurallanğan Hitayning bir milyondin ushuq muntezim basqunçi armiyesi, 3 milyondin ushuq quralliq bingtüwen armiyesi <bash qaturup yalğandin her hil enzilerni yasap> Sherqiy Türkistan helqining béshida qanliq qéliçni oynitip turuptu... Helqara keçürüm teshkilati 99- yili aprildiki özining Sherqiy Türkistandiki insan hoquqlirining Hitay hökümiti terepidin qattiq ayaq – asti qiliniwatqanliqi heqqidiki 92 betlik doklatida 200 ge yéqin bigunah Uygurlarni <bölgünçi térorist, diniy eksiyetçiler> digen bednamlar bilen ularni öltürüp tashliğanliqini dunyağa jakarlidi. Siyasiy jinayetçilerni öltürüsh peqetla Hitayning mustemlikisi bolğan Sherqiy Türkistandila mewjut. Bundaq öltürüshler bu yil 4 – aydin bashlinip hazirğiçe dawamlishiwatqan Beijinning Uygurlarğa qarishi jaza élip bériwatqan atalmiş qattiq zerbe bériş herkitide téhimu ewjige çiqti. Éniq melumatlarğa qariğanda hazirğiçe oltürülgenlerning sani 100din éship ketti. Qandaq qilip Beijin hökümranlirining öz sözliri boyiçe <asmanda tor yerde qapqan> dep atalğan, Hitaylar üçün jennet, Uygurlar üçün üsti oçuq bu Xinjiang atalmish weylun dozahtiki Uygurlerning Binladindek adem bilen qandaqmu munasiwiti bolsun? Qéni bir ikki atalmish térorist Uygurning Sherqiy Türkistandin çéqip, Beijing, Shanghai yaki Hitayning bashqa sheherlirige bésip bérip, birer binani partlatqan yaki bolmisa Hitayning birer çashqinining burnini qanataqanliği heqqide pakiti barmu? Yalğançiliq, töhmetke usta Beijing hökümranliri buningğa jawab tapalmaydu. Sewebi Uygurlarni téroristlar bilen munasiwiti bar dep jar séliwatqanlar neq eshu Beijing markiliq teroristlardur. Uygurlar Binladinning ismini Newyorktiki weqe yüz bergendin kéyinla endi anglawatidu. Bir qançe yillardin buyan Jungnenhaidiki Hitay emeldarliri he disila Pakistan we Afğanistanlarğa qatnap, Afğanistandiki ziddiyetlerni küçeytip, küyüwatqan urush otiğa yağ çéçip 20 yildin ushuq waqittin béri 6 milyondin ushuq Afğanning ölüshige Hitay hökümitiningmu qoli barliğini dunya bilidu. Uçuğini éytqanda, Binladin bilen Uygurlarning héçqandaq munasiwiti yoq. Eksiçe, Hitay kommunist hakimiyitining Taliban hem Binladin bilen qan bilen göshtek munasiwiti bar. Hitay hökümiti özining siyasiy ğerez we kengeymiçiliki üçün otturidiki Hitay perest bir dewletni waste qilip, ularni qollap kiliwatidu. Téhi yéqindila Beijing Binladinni qoğdawatqan Taliban hökümiti bilen munasiwiti barliğini dunyağa ilan qilğan idi.
Beijing hökümranliri : <sen oğri digiçe men oğri dewalay> digen kona taktikisini qollinip, Uygur helqige töhmet qilip, Uygurlarni teroristlarğa shirik qilip, Amerika we dunya helqining közini buyap, Jungnenhaidin üzülmey çiqiwatqan <Uygur bölgünçi – téroristlirini yiltizidin qézip tügitish kirek!> digen pilanğa yetmekçi bolushti, lékin ular çotni hata soqti.
Amerika helqi we Amerika hökümitining bu mesilidiki köz qarishi éniq hem meydani musthkem. U özining dosti kim, düshmininig kim ikenlikini nahayiti yahshi bilidu.
Amirikidiki kommunist Hitay hökümitining teshwiqatiğa qarshi puhralar teshkilatining müdiri 18 – sintebir küni élan qilğan bayanatida: <... dunyadiki barliq erkinlikni söygüçi milletlerni Sherqiy Türkistandiki Uygurlar dawasini qollap, himaye qilishqa çaqirimiz. Bizning Uygur buraderlirimiz musulman bolup, ular dunyadiki barliq musulmanlarğa ohshash bu qétimqi Amirikida yüz bergen wekelerni qattiq eyiplidi. Emma Hitay hökümiti Amerika bilen shertlik hemkarlishish arqiliq erkinlikni söygüçi Uygur helqini Afğanistandiki Binladinning adimi bilen munasiwiti bar dep körsetmekte...> dep Amerika hökümitining bu mesilini musteqil bir terep qilishini telep qildi. téhi yéqindila Amerika hökümiti Tibet herikitining bir teshkilatini hem shuningdek Amerika Uygurlar Uyushmisini azatliq mukapati bilen teğdirlishishi kommunist Hitay impiriyesining iskenjiside ingrewatqan Uygur qelqige bérilgen uluğ bisharet hem tügimes ilham. Jiang Zemin Bosna-Hersek we Kosowa urushlirida Amerika we Nato bashçiliğiduki erkin dewletlerning heqqani, dadil heriketlirini eyiplep, özining ğalçisi Silobodan Milosoviçni saqlap qélishqa qançe tirishqan bolsimu, jallat Milosoviç dunya soti aldida hisawat bérishtin qutulalmidi. Insha Allah, özini çong çağalap, körengligen ikki qoli yüzmingliğan biguna Uygurlarning qéni bilen buyalğan jallat Jiang Zeminning pajielik – teğdirimu buningdin mustesna emes.
2001- 09 - 20
|
