|
Hitay Kommunistliri Sherqiy Türkistandiki Zorawanliqini Küçeytmekte
Öz
hewirimiz: Hitay merkizi hökümiti bilen atalmish aptonom rayonluq partkom, helq hökümitining orunlashturushi netijiside Sherqiy Türkistan helqining üzlüksiz küçiyiwatqan musteqilliq herketlirige qarita zerbe bérish, öz heywisini körsütüsh üçün Serqiy Türkistanda <qattiq zerbe bérish, tüzesh kürishi> élip bérip zorawanliqini téhimu küçeytmekte.
Töwende <Xin Jiang Geziti>ning yéqinqi sanidiki, bu heqte élan qilghan hewirini diqqitinglargha sunimiz.
Qizilsu Qirghiz Aptonum Oblastida: Saqçi organliri zerbe bérish salmiqini ashurup, türlük jinayi ishlar dilosidin 125ni, bu dilogha çétishliq jinayet gumandaridin 131ademni tutti. Buning içide 37 adem jinayi ishlar qanuni boyiçe tohtutup qoyuldi, 57 adem qolgha élindi, 4 jinayetçiler gorohi tarmar qilinip, 14 jinayet gumandari qolgha élindi, 4640 yuan sahta pulni qolgha çüshürüp, 2 milyon 780 yuanlik ziyanni qayturwaldi. Her hil qoraldin 154ni, 64 pay oq, 2919 kilogiram partlatquç dora, 4034 tal kapsol, 2440 metir pilikni qolgha çüshürdi diyilgen.
Ürümçide: Saqçi organliri her hil jinayi ishlar dilosidin 1386 ni pash qilip, 65 jinayetçiler gorohini éniqlap, 367 jinayet gumandarini qolgha aldi. Herbiy, saqçilar qollunidighan qöral –yaraqtin 15 ni, 10 ming 733 pay oq, 2500 kilogiram partlatquç dora, 9753 tal kapsol, 788.5 metir pilikni qolgha çüshürgen diyilgen.
Aqsuda: Aqsu wilayetlik ottura helq sot mehkimisi, yéqinda höküm élan qilish yighini éçip, qesten adem öltürüsh, bulangçiliq qilish, ot qoyush, oq-dora, partlatquç dora saqlash jinayiti bar dep qaralghan 15 jinayetçining 5shige ölüm jazasi bérip derhal ijra qilindi, bashqa jinayetçilerge ayrim –ayrim halda 3 yilliqtin 15 yilghiçe muddetlik qamaq jazasi höküm qilindi diyilgen.
Atush shehiride: Bu yil, 7- ayning 1- küni, Atush shehirining helq meydanida ashkare höküm élan qilish qolgha élishni jakarlash yighini ötküzülüp, oghriliq qilghan, çigridin qeçishqa tesgkillesh jinayiti bar dep qaralghan 9 jinayetçini qolgha élip, 13 jinayetçige bir yildin 12 yilghiçe muddetlik qamaq jazasi höküm qilindi diyilgen.
Mana bu pakitlar Hitay kommunist hökümitining Sherqiy Türkistanda téhimu ghaljirlishiwatqanliqini körsütüp turmaqta. Ular <qattiq zerbe berish, çong tazilash> digendek yéngi –yéngi keshpiyatlirini otturigha çiqiriup, halighançe tutqun qilip, türmige solap, awam helqning aldida dehshetlik ülüm jazasini elan qilip, Serqiy Türkistan helqige dehshet, wehime peyda qilmaqta. Herbi maniwir ötküzüp, özlirining üstünlük ornini köz –köz qilip, bu göher zimingha adaqqiçe hökümranliq qilishtek <uhlimay çüsh körüsh>meqsidini ishqa ashurushqa tirishmaqta. Amma Sherqiy Türkistanliqlar buninggha qet i yol qoymaydu. Sherqiy Türkistan helqi tarihtimu ulargha qattiq peshwa bérip kelgen idi. Yéqinqi tarihtimu özlirining Barin inqilabi, Ghulja inqilabi qatarliq qöng – kiçik inqilapliridin ibaret musteqilliq küresh tighlirini Hitay hökümitining yürikige mih bilen zihtek sanjip, zulumgha qarshi, erkinlik, musteqilliqqa bolghan teshnaliqi, küreshçan rohini namayen qilip keldi. Uygurlarning musteqilliqni qolgha keltürüshtin ibaret bu heqqani kürüshini herqandaq bésim, küç tosap qalalmaydu. Herqandaq bir heqqani küresh haman parlaq ghelibe bilen ahirlishidu. |
