|
Hitay Hökümiti Hotende Narside Balilarni Qolgha
Élip Ulargha Jerimane Qoyghan
Dunyada herqandaq bir millet öz tarihini, mediniyitini ügünish-ügütish, özi étiqat qilidighan dinning mejburyetlirini ada qilish hoquqigha ige. Bu hil hoquq, dunyadiki herqandaq millette boludighan we bolushqa tigishlik tüp alahidilik.
Dunya tarihida, herqandaq bir tajawuzçi hakimiyet öz ishghaliyitidiki rayunda siyasi jehette bésim ishlitip, talan-taraj qilghan bolsimu milletlerning bu hil tüp alahidilikige yol qoyup kelgen.
Hitay kommunistik hökümiti Sherqiy Türkistanni bésiwalghandin tartip
hazirghiçe bolghan jeryanda, yerlik musulman milletlerning diniy étiqat mesiliside türlük qanun- qaide pirinsiplarni
çiqirip, özining asasi qanunidimu, milletlerning tüp alahidiliklirining biri bolghan diniy erkinlikini qanuni jehettin kapaletke ige qilip körsetti. Yéqinqi yillardin buyan < ana- balilarnining qanuni hoquq menpeetini qoghdash qanuni> , <balaghetke yetmigenlerni qoghdash qanuni > qatarliq bir talay qanun, nizamlarni
çiqirip, helq ara sehnilerde özini aqlap, musulman milletlerge keng <erkinlik> , <yahshi > siyaset bériwatqanliqini, kishilik hoquq mesilisini <yahshi>lawatqanliqini namayen qiliwatidu. Emma Sherqiy Türkistan musulmanliri hazir dehshet éçininshliq, tesewwur qilghusiz haletke
çüshüp qaldi. Her derijilik mekteplerning derslik kitapliridin Uygurlarning tarih, mediniyitige ait mezmunlar tapqili bolmaydu. Diniy jehette, mesjitler zor
buzghunçiliqqa uçrap, diniy ölimalirimiz qolgha élinip, türmilerge solanmaqta. Hitay hökümiti Sherqiy Türkistanda islam dinigha étiqat qilghanlarni <qanunsiz> diniy herket bilen shughullanghan, diniy telim alghan yaki éliwatqanlarni hökümetke <qarshi>çiqting, diniy telim bériwatqan wetenperwer diniy zatlirimizni döletni <parçilash>qa urunghan eksil
inqilapçi digen yoqilang bahaniler bilen halighançe jazalaydu, buni az digendek iqtisadi jehettin jazalap yilliq kishi béshigha toghra kelidighan
otturiçe kirimi 100 dollarghimu yetmeydighan kishilerge neççe yüz yuendin
neççe on ming yuengiçe jerimane quyup ularni ülüm girdawigha ittirmekte. Wujudigha muqeddes islam dini singgen Uygurlarni dinsizlashturush Hitay fashist hökümiti üçün mumkinmu ?.....
Bu yil 7- ayning 27-küni, hitay hökümeti saqçi terep hotenning melum yezisida diniy telim eliwatqan 16 yashqa tolmighan ikki balini tutup, qiyin qistaqqa élip soraq qilish jeryanida, ular bilan birge oquydighan 18 balining ismini iqrar qildurghan, bu balilarning
kiçiki 7 yashta bulup, ulargha 300 yuandin 500 yuangiçe jerimane qoyghan, diniy telim bergüçining barliq öy-bisatini musadire qilghan.
( Munasiwetlik orunlarni tepsili melumatlar bilen teminleymiz )
Sherqiy Türkistan Informatsion Merkizi. |
