Doğu Türkistan Enformasyon Merkezi & Doğu Türkistan

Ghuljida Ikki Uygur Ölüm Jazasigha, 4 Uygur 5 yilliqtin 10 yilliqqiçe Qamaq Jazasigha Höküm Qilindi

< Sherqiy Türkistan Informatsiyon Merkizi > ning wetendin biwaste igellishiçe, yéqinda Ili wilayetlik ottura sot mehkimisi sot yighini çaqirip, ikki neper Uygur yashni < milliy bölgünçi > digen nam bilen ölüm jazasigha höküm qilip étip öltürgen, 4 neper Uygur yashni 5 yilliqtin 10 yilliqqiçe muddetlik qamaq jazasigha höküm qilghan. Bu yashlarning hemmisi 1998 – yili qolgha élinghan bolup, ölüm jazasigha höküm qilinghanlar töwendikiçe:

1. Sultan Nurehmet, 1971 – yili 7 – ayning 7 – küni tughulghan, Ghulja shehri Yéngi Hayat koça, 3 – hang 55 – qoroda olturushluq, kespi tijaretçi,1998 – yili 9 – ayning 18 – küni qolgha élinghan.
2. Abduqahar Kamal ( özgertken ismi Sedridin ), 1975 – yili 9 – ayning 26 – küni tughulghan, kespi mashinçi, Ghulja sheher Yéngi Hayat koça 10 – hang 16 – qoroda olturushluq, 1998 – yili 7 – ayning 28 – küni qolgha élinghan.

5 yilliqtin 10 yilliqqiçe qamaq jazasigha höküm qilinghanlar töwendikiçe:

1. Abduquddus Ilyas ( özgertken ismi seydullam ), 1976 – yili 7 – ayning 10 – küni Ghulja nahiyiside tughulghan, kespi déhqan, 1998 – yili 7 – ayning 24 – küni qolgha élinghan.
2. Rixat Ömer, 1974 – yili 9 – ayning 10 – küni tughulghan, Ghulja shehri Hitay baziridiki sheherlik saqçi a’ililikler qorosida olturushluq. 1998 – yili 9 – ayning 17 – küni qolgha élinghan.
3. Sirajidin Raxidin, 1970 – yili 1 – ayning 10 – küni Ghulja nahiyiside tughulghan.1998 – yili 7 – ayning 3 – küni qolgha élinghan.
4. Nurmemet Memtimin, 1969 – yili 12 – ayning 21 – küni Ghulja shehride tughulghan, 1998 – yili 6 – ayning 29 – küni qolgha elinghan.
< Sherqiy Türkistan Informatsiyon Merkizi > ning statiskilirida bayan qilinishiçe, Hitay hökümiti buyil 4 – ayda Sherqiy Türkistanda milliy heriketlerni basturushni meqset qilghan < qattiq zerbe bérish > herikitini bashlighandin buyan, Sherqiy Türkistanning herqaysi rayonlirida 60 tin artuq Uygur siyasi sewep bilen ölün jazasigha höküm qilinip étip öltürülgen.