Doğu Türkistan Enformasyon Merkezi & Doğu Türkistan

Ürümçide Ikki Uygur Yash Étip Öltürüldi

< Sherqiy Türkistan Informatsiyon Merkizi > ning wetendin biwaste alghan hewirige asaslanghanda, buyil 6 – ayning 25 – küni Ürümçi sheherlik ottura sot mehkimisi Osman Hemit, Memet Rahman qatarliq ikki neper Uygur yashni < terorist > digen bednam bilen ölüm jazasigha höküm qilip étip öltürgen.
Hitay sotining hökümnamisida bayan qilinishiçe yuqarqi ikki neper yash çégra sirtida partilitish tehnikisini üginip qaytip kélip, weten içide 100 din artuq ademni bu téhnika bilen teminligenmish.
Informatsiyon merkizining igellishiçe, yuqarqi yashlar çetellerde turush jeryanida héçbir zaman partilitish tehnikisini ögenmigen, peqetla Hitay hökümitige qarshi birqançe qétimliq namayishqa qatnashqan. Ular wetenge qaytip barghandin kéyin, Sherqiy Türkistanning musteqilliqi telep qilinghan teshwiqat waraqlirini yoshurun tarqitish paaliyetliri bilen shughullanghan we kéyin pash bolup qélip qolgha élinghan. Gerçe bu yashlarning weten içide partilitish heriketliri bilen shughullanghanliqi heqqide héçqandaq delil – ispat bolmisimu, emma teptish mehkimiliri bu yashlargha < terorist > digen qalpaqni zorlap keygüzüp, sot mehkimisidin bulargha ölüm jazasi bérishni telep qilghan.
Wetendin kelgen inkaslargha qarighanda, Hitay sot mehkimiliri Sherqiy Türkistanda milliy heriketlerge qatniship qolgha élinghan Uygurlarning hemmisige digüdek < terorist > digen qalpaqni keygüzüp éyipleshni adetke aylanduruwalghan bolup, ularning meqsidi, Sherqiy Türkistanda dawam qiliwatqan türlük shekildiki milliy musteqilliq heriketlirining helqaradiki obrazini çüshürüsh iken. Hitay hökümitining buhil qilmishi Sherqiy Türkistanda yerlik helqning qattiq naraziliqini qozghimaqta.