Doğu Türkistan Enformasyon Merkezi & Doğu Türkistan

< Sherqiy Türkistan Informatsiyon Merkizi > ning Xihenze Shehride Partilash Weqesi Yüz Bergenliki Heqqidiki Hewiri Küchlük Tesir Qozghidi

Öz hewirimiz: Gerche Hitay hökümiti 16 – iyon küni Xihenze shehride yüzbergen partilitish weqesi heqqidiki hewerlerni qattiq qamal qilishqa tirishqan bolsimu, emma bu heqtiki uchur shu künila merkizi orgini Germaniyening München shehridiki Sherqiy Türkistan Informatsiyon Merkizi > teripidin qolgha chüshürülüp dunyagha élan qilindi. Bu hewer Shanggang, Taiwen we chetellerdiki Hitay metbuatlirida küchlük tesir qozghidi. Gerche Hitay hökümiti desliwide < Sherqiy Türkistan Informatsiyon Merkizi > ning bu heqtiki hewirini yalghanlashqa urunghan bolsimu, emma chetellerdiki köpligen Hitay metbuatlirining bu weqeghe ching esiliwelishi netijiside ahiri ular heqiqeten 16 – iyon küni Xihenze shehride partilash weqesi yüz bergenlikini étirap qilishqa mejbur boldi, emma shundaqtimu Hitay saqchi dairliri bu weqeni adettiki kichik bir jinayi ishlar dilosi qilip körsütüshke tirishti. Xihenze sheherlik saqchi idarisining Ju isimlik bir emeldari < Amerika Awazi Radiyosi > ning muhbirigha bergen jawabida, bu weqeni sadir qilghuchi bir Uygurning qolgha élinip, diloning tamamen éniqlap chiqilghanliqini, weqe peyda qilghuchining türmidin yengi qoyup bérilgen bir jinayetchi ikenlikini we Xihenze shehrining < Behit yoli > gha jaylashqan bir Uygur ashhanisining hojayinini qorqutup pul élish meqsidide bu weqeni sadir qilghanliqini bayan qilghan.
< Sherqiy Türkistan Informatsiyon Merkizi > ning bu heqte élan qilghan hewiri, Shanggang, Taiwen we chetellerdiki köpligen Hitay metbuatlirida, shundaqla, < Erkin Asiya Radiyosi > we < Amerika Awazi > radiyosi... qatarliqlarda keng dairide élan qilindi.
Hitayning Muawin Dölet Reyisi Hu Jin Tao, Uygur Musteqilliq Herikitini Qattiq Basturushni Telep Qilghan

Chetel metbuatlirining hewirige qarighanda, ötken birqanche yildin buyan Sherqiy Türkistanda Uygurlar bilen Hitaylar otturisidiki munasiwetlerning kündin - künge jiddiliship bérishi we Uygurlarning musteqilliq sadalirining barghansiri yüksilishke bashlighanliqi, Hitay merkizi hökümitini qattiq endishige salghan. Hitayning muawin dölet reyisi Hu Jin Tao Sherqiy Türkistandiki qorchaq hökümetning Uygurlarning milliy heriketlirini basturush meqsidide élip bériwatqan < qattiq zerbe bérish > herikitige ilham berısh üchün, buyil 6 – ayning 8 – künidin 16 – künigiche Sherqiy Türkistanni ziyaret qilghan. Hu Jin Tao ziyaret mezgilide Sherqiy Türkistandiki her derijilik qorchaq emeldarlardin, partiye merkizi komititining etrapigha téhimu zich uyushup, qattiq tedbir qollunup, musulmanlarning bölgünchilik heriketlirini qattiq basturushni telep qılghan.