|
Qayghuluq Teziye:
Dilbirim Samsaqowaning Rohi Qelbimizde Ebedi Yashaydu!
< Nozugum Fonda Jemiyiti > Rehberlikige We Merhume Dilbirim Hanimning
Ailisige:
Küreshchan, qeyser Milliy sebdishimiz Dilbirim Hanimning qestke uchrap wapat bolghanliqidin hewer tépip intayin qayghurduq we iplas Qatillarning rezil qilmishidin cheksiz nepretlenduq! Dilbirim hanimning wapati munasiwiti bilen pütün Ottura Asiyadiki Uygur jamaitidin semimi hal soraymiz, Merhumening ailisidikilerge janabi Allahtin sewir tileymiz!
Merhume Dilbirim hanim tashqi dunyadiki milliy küresh sépimizde otturigha chiqqan eng munewwer, eng jasaretlik, eng iqtidarliq we eng paaliyetchan wetenperwer hanimlirimizning biri idi. Dilbirim hanim zulum ichide yashawatqan helqighe bolghan cheksiz méhri – muhebbiti we köyünchanliqi bilen, chetellerdiki Uygur qérindashlirimizning qelbide tehit qurghan we hemmimizge ülge yaritip bergen idi. Dilbirim hanim öz helqining hör – azatliqi üchün barliqini qurban qilghan we düshmenlerning türlük tehdit hem bésimlirigha pisent qilmay, bu shanliq küresh yolida pütün wujudi bilen merdanilarche hizmet qilip kelgen idi.
Dilbirim hanimning wapati bilen behitsiz Uygur helqi huddi Nozugum, Iparhan we Rizwangüllerdek yene bir köyümchan qizidin, shundaqla jenggiwar bir küreshchisidin ayrilip qaldi. Merhume Dilbirim hanim tarihta ötken qehriman hanimlirimizning rohini ottura asiyadiki, shundaqla tashqi dunyadiki Uygurlar ichide yashnitishqa tiriship kelgen idi, elwettiki, helqimizmu uning küreshchan we qeyser rohini menggü yashnitishqa tirishidu! Uygur helqi özining bu wapadar qizini menggü qayghu we séghinish ichide yad etidu!
Rezil düshmenlirimiz shuni yahshi bilishi kerekki, Uygur helqining hörliki we behit – saaditi üchün élip bériwatqan milliy musteqilliq kürishimizni héchbir küch tosup qalalmaydu, gerche düshmenler bir Dilbirimning jismini bizdin ayrighan bolsimu, emma uning rohi minglighan, onminglighan Dilbirimlarni meydangha chiqiridu!
Janabi Allah Merhumening yatqan yerini jennet qilghay, amin!
Cheksiz Qayghu bildürüp:
Abdujelil Qaraqash
( < Sheqiy Türkistan ( Uyghuristan ) Milliy Qurultiyi > ning Muawin Reyisi )
( < Sherqiy Türkistan Informatsiyon Merkizi > ning Reyisi )
Perhat Muhemmidi
( < Uchqun > we < Istiqlal > gezitlirining mes‘ul muherriri ) |
