|
Dunya Uygur Ahbarat Tori 2001 |
|
|
Hushyarliqimizni Östürüp, Milliy Birlik Sepimizni Yenimu Mustehkemleyli! Weten ichi we sirtida élip bériliwatqan milliy musteqilliq kürishimizning zoriyishi hem küchiyishige egiship, kommunist Hitay hakimiyitining milliy küresh sépimizge qaratqan hujumi we buzghunchiliqi künsayin éship barmaqta. Hitay hökümiti 1950 – yilidin 90 – yillarning bashlirigha qeder peqetla weten sirtida paaliyet élip beriwatqan milliy küchlirimizni küzitish, ularning weten ichi bilen bolghan alqisini üzüp tashlash we pitne – pasat tarqitip, milliy birlikimizning ittipaqliqini buzush bilenla cheklinip kelgen bolsa, 90 – yillarning otturiliridin étibaren siyasi, iqtisadi, herbi we deplomatiye jehette intayin zor bedel tölep, tashqi dunyadiki milliy heriketlirimizni tüp yiltizidin yoqutush üchün türlük hile – neyrenglerni ishqa sélip kelmekte. Bolupmu merkizi Hitay hökümitining < 7 – nomurluq > mehpi höjjiti chiqirilghan we < Shanghai anglashmisigha eza besh dölet ittipaqi > qurulghandin buyan, Ottura Asiyadiki Türkiy ellerde paaliyet élip bériwatqan Uygur teshkilatliri nahayiti zor siyasi bésimlargha we dawalghuchlargha duch keldi, Birlik – ittipaqliqimizgha buzghunchiliq salidighan amillar köpeydi, milliy küreshchilirimizge we shehislirimizge tehdit salidighan we ziyankeshlik qilidighan qara qollar köpüyüshke bashlidi. Mesilen, Qazaqistandiki < Uyguristan Azatliq Teshkilati > ning reyisi Hashir Wahidi, Qirghizistandiki < Uygur Ittipaqi > ning reyisi Nighmet Bosaqop Hajim, < Uchqun > gezitining Otura Asiyadiki wakaletchisi Abdushkür Tewpiqlerning, emdilikte bolsa Dilbirim Samsaqowa hanimning bir – birlep qestke uchrap wapat bolushi, shundaqla yéqinda < Sherqiy Türkistan ( Uygurlistan ) Milliy Qurultiyi > ning reyisi Enwerjan bilen bash katip Esqerjanlarning yoshurun hetler arqiliq ölüm bilen tehdit qilinishi, milliy küresh sepimizning neqeder zor hewipke duch kelgenlikini körsütüp turmaqta. Dimek, tashqi dunyada kündin – künge küchüyüshke bashlighan milliy musteqilliq heriketlirimiz, Uygur helqining hörlükke we behit – saadetke érishishini halimighan bezi qarangghu küchlerni qattiq teshwishke salmaqta we bu nijis küchler uwisidin chiqip, huddi ghaljir ittek herterepke hiris qilmaqta. Ularning esli meqsidi, huddi yuqarqidek tehdit we rezil süyqestler arqiliq, weten – millet yolida janpidaliq bilen hizmet qiliwatqan milliy shehislirimizning we küreshchilirimizning iradisini ajizlitish, shundaqla ularni arqigha chékinishke, hetta milliy dawadin waz kéchishke mejburlashtin ibaret, halas! Biz duch kelgen buhil weziyet, weten sirtida paaliyet elip beriwatqan Uyghur teshkilatliri we milliy shehislirimizge özara yenimu zich ittipaqliship, huddi uyul tashtek mustehkem bolup, bir – birini qoghdap we asrap, düshmenning rezil süyqestige qarshi birlik we barawerlik ichide ortaq küresh qilish zözüriyitini küchlük halda hés qildurmaqta. Bolupmu merhume Dilbirim Samsaqowaning waqitsiz ölümi, weten sirtida paaliyet élip beriwatqan barliq Uygur teshkilatliri we shehislirining özlirini türlük téhdit we süyqestlerdin qoghdap qalalaydighan küchlük bir sestimini téz waqit ichide qurup chiqishi lazimliqini jiddi türde körsütüp turmaqta. Bolupmu shuni alahide eskertip ötüsh zörürki, Sherqiy Türkistanning milliy musteqilliqi üchün küresh qiliwatqan türlük qoralliq küchler, meyli ularning ghayisi we nishanining nime bolushidin qet’i nezer, chetellerdiki Uygur teshkilatlirining we milliy shehislirimizning biheterliki we amanliqini qoghdap qélishni özlirining bash tartip bolmaydighan mohim wezipilirining biri dep tonushi lazim. Chünki biz 1 milyart 300 milyondin köpirek noposqa ige ghayet zor bir mustemlikichi küchke qarshi küresh qiliwatimiz, bizning kürishimiz belkim uzaqqa sozulidighan küresh bolushi mumkin, elwettiki bu shanliq yolda yene köpligen qurbanlarni berimiz, shunga biz uzaqni közde tutqan halda mukemmel bir stiratigiyeni we pilanni tüzüp chiqip, hem hujum qilalaydighan, hem chekineleydighan, hem özimizni qoghdap qalalaydighan, az qurban bérish bedilige zor muwapiqiyetlerge érisheleydighan mukemmel bir sestimini turghuzup chiqishimiz kerek. Emma, Düshmenlirimiz shuni yahshi tonup yétishi kerekki, Uygur helqi hechbir zaman zulumgha, tehditke we bésimgha boy ekken emes, helqimiz yillardin buyan özlirining hörlikini we milliy musteqilliqini qolgha keltürüsh yolida minglarche shéhit bérdi, yene bérishke hazir turmaqta, biz taki milliy musteqilliqimizni toluq qolgha alghangha qeder buhil kürishimizni héchbir tohtatmay merdanilarche élip barimiz! |
