Doğu Türkistan Enformasyon Merkezi & Doğu Türkistan

Hitay Hökümiti Lopnurda Atom Sinaq Qilishqa Hazirlanmaqta

Teywen merkizi ahbarat agentliqining 5 – ayning 11 –küni Washengetondin bergen hewirige qarighanda, Hitay hökümiti Sherqiy Türkistanning Lopnur rayonida < Dongfeng – 31 > tipliq qiteler ara bashqurulidighan atom bombisini yer astida sinaq qilish üçün jiddi türde hazirlinishqa bashlighan we teyyarliq hizmetlirini asasiy jehettin tamamlap bolghan. Bu qétimqi atom siniqi mushu ayning ahiri élip berilishi mumkin. Amerika ahbarat hadimining bayan qilishiçe, ötkende Hitayning déngiz saheside Hitayning urush ayrupilanigha urulup ketip Heynen ariligha mejburi qonghan amerika ayrupulani eyni waqitta Hitayning Lopnur rayonida sinaq qilishqa hazirliniwatqan atom bombisining ehwali heqqide ahbarat toplawatqan iken.
Hitayning buqétim sinaq qilishqa hazirliniwatqan < Dongfeng – 31 > tipliq bashqurulidighan bombisining omomi musapisi 8000 kilometir bolup, bu, hazir dunyada mewjut bolup turiwatqan shu hildiki ikki türlük qiteler ara bashqurulidighan bommining biri iken.
Hitay hökümiti Hazirgha qeder Sherqiy Türkistanda jem’i 48 qétim atom siniqi élip barghan bolup, bu atom sinaqliri jeryanida yüzminglarçe uyghur atomning qurbanigha aylanghan we Sherqiy Türkistanning ekilogiyilik mohiti eghir derijide buzulghan idi. Hitay hökümiti birqançe yil burun heliqaralik kelishimnamige emel qilip Sherqiy Türkistandiki atom sinaqlirini waqitliq tohtatqan idi. Hitay hökümitining buqétim yene qayta atom sinaq qilishqa hazirliniwatqanliqi, uning heliqaraliq ehdinamilarda heçbir zaman toluq emel qilmaydighanliqini körsetse, yene bir jehettin Hitay hakimiyitining Sherqiy Türkistandiki milyonlighan insanning hayatini we salametlikini tamamen nezerdin saqit qiliwetkenlikini ispatlap turmaqta.