|
< Qattiq Zerbe Bérish > Herikitidin Uygur Ayallirimu Nesiwisini Aldi
< Sherqiy Türkistan Informatsiyon Merkizi > ning wetendin biwaste alghan hewirige qarighanda, Sherqiy Türkistan miqyasida élip bériliwatqan < qattiq zerbe bérish > herikiti jeryanida, jenobi rayonlarda hökümetke qarshi héchqandaq bir söz – herikette bolmighan we öyidin talagha chiqmay jim olturghan bigunah Uygur ayallirimu < qattiq zerbe bérish > herikitidin nesiwisini alghan. Bu ayallarning hökümet aldidiki < gunahi > peqetla dinning emri boyiche yaghliq atqini iken. Mesilen, < qattiq zerbe bérish > herikiti bashlanghandin buyan, Hoten nahiyisining Tewekkul yézisida hökümet hadimliri we saqchilar öymu –öy ahturush élip bérish arqiliq, diniy perizlerni ornigha keltürüsh üchün yaghliq atqan 123 neper aylni tekshürüp chiqqan we bu ayallarni < qattiq zerbe bérish obiktiwi > qilip békitip, hemmisini yeziliq hökümetning mejlishanisigha soliwalghan. Hökümet hadimliri bu ayallarni birqanche heptidin buyan insan chidighusiz sözler bilen haqaretlep, hetdid sélip, ularni buningdin kéyin yaghliqini éliwetip yürüshke qistighan hemde herbir ayalgha 500 yüendin jerimane qoyghan. Hökümet hadimliri bu bichare ayallarning béshdiki yaghliqini mejburi éliwetipla qalmastin, mehsus < yaghliq tashlash murasimi > ötküzüp, bu ayallarni yaghliq tashlighanliqini tebriklep mejburi usul oynashqa salghan. Hökümetning bu ghelite qiliqigha naraziliq bildürgen erler türlük böhtanlar bilen ziyankeshlikke uchrighan. Mesilen, Tewekkul yézisi derya boyi kenti mesjitining imami Tursunniyaz qarimning ayalimu buqétim yighiwelinghan ayallarning terkiwide bolup, Tursunniyaz qarim buninggha étiraz bildürüp barghanda yéza mesulliri uni, < qeni eyte, wetenperwer diniy zatning ayalimu yüzini orap yaghliq artamdu? Yüzini yögep yaghliq artish Quranning qaysi ayetide bar? > dep soraq qilghan. Tursunniyaz qarim qurani kerimdiki buninggha ait ayetni oqup bergende, yézining mesulliri qattiq ghezeplinip, derhal uning imamliq wezipisini élip tashlap, u imamliq qiliwatqan mesjitni pichetlep taqiwetken.
< Sherqiy Türkistan Informatsiyon Merkizi > ning bildürishiche, buhil heriketler Sherqiy Türkistanning jenobidiki pütün yéza – qishlaqlarda omomiy yüzlük élip bérilishqa bashlighan.
|
