Doğu Türkistan Enformasyon Merkezi & Doğu Türkistan

Atalmish < Aptonom Rayonluq Yuquri Sot Mehkimisi > Herderijilik Sot Mehkimiliridin < Qattiq Zerbe Bérish > Herikitige Aktipliq Bilen Atlinishni Telep Qildi

< Xinjiang qanunchiliq geziti > ning hewirige asaslanghanda, yéqinda < aptonom rayonluq yuquri sot mehkimisi > mehsus uhturush chiqirip, Sherqiy Türkistandiki herderijilik sot mehkimiliridin < qattiq zerbe bérish herikiti > ge jiddi türde aktipliq bilen atlinip, dilolarni téz sotlash, qattiq jaza bérish we rehim qilmasliq pirinsipigha emel qilishni we bu arqiliq sot mehkimilirining < heywiti > ni ashurushni telep qilghan.
< Uhturushta > yene, her derijilik sot mehkimilirini qanun orunlirigha zich masliship, küchni we waqitni merkezleshtürüp, talash – tartishlardin hali bolup, < 3 hil unsurlar > ni bir terep qilishta < qattiq we éghir bolush > qa kapaletlik qilish telep qilinghan.
< Sherqiy Türkistan Informatsiyon Merkizini > ning bildürishiche, Atalmish < qattiq zerbe bérish > herikiti bashlanghandin buyan, Sherqiy Türkistanning herqaysi rayonliridiki her derilik sot mehkimiliri < aptonom rayonluq ali sot mehkimisi > ning teliwige asassen her küni digüdek ochuq sot yighini chaqirip, < qattiq zerbe bérish > herikitining birinchi basquchida qolgha élinghan Uygurlarni héchbir delil – ispatqa tayanmayla türküm – türkümlep türlük jazalargha höküm qilishqa bashlighan. Jazagha höküm qilinghan Uygurlarning mutleq köp qismi milliy we diniy héssiyati birqeder küchlük bolghan bigunah insanlar iken.